अहमदनगर : अहमदनगर जिल्ह्यातील पारनेरच्या तहसीलदार ज्योती देवरे यांची ऑडिओ क्लिप व्हायरल झाली आणि जिल्ह्यातच नाही तर संपूर्ण महाराष्ट्रात यामुळे खळबळ उडाली. ‘लोकप्रतिनिधी त्रास देतात, प्रशासनातील वरिष्ठही हतबल असतात. लोकप्रतिनिधी व कार्यकर्त्यांच्या झुंडी सतत धावून येतात. वरिष्ठांना सांगूनही त्यांना खिंडीत रोखता येत नाही. त्यांनी तर खिंडीत मदतीऐवजी मारेकरी पोहोचवले’, असे शल्य व्यक्त करीत ज्योती देवरे यांनी ११ मिनिटांच्या ऑडिओ क्लिपद्वारे आपली सुसाइड नोट जाहीर केली आहे.
आत्महत्या केलेल्या वनाधिकारी दीपाली चव्हाण यांचा संदर्भ देत आपल्याही मनात असाच विचार येत असल्याचे त्यात म्हटले आहे. त्यांच्या आरोपांचा रोख पारनेरचे राष्ट्रवादीचे आमदार नीलेश लंके यांच्यावर आहे. त्यांनी आरोप करताना काही घटनांची उदाहरणेही दिली आहेत. या क्लिपमुळे प्रचंड खळबळ उडाली.
या प्रकरणी आता जिल्हा प्रशासनाने एक महत्त्वाचा निर्णय घेतला आहे. ज्योती देवरे यांनी ऑडिओ क्लिपद्वारे आत्महत्येचा इशारा दिला होता. ही ऑडिओ क्लिप व्हायरल झाल्यानंतर याप्रकरणी अहमदनगरचे जिल्हाधिकारी डॉ. राजेंद्र भोसले यांनी चौकशी समिती नेमली आहे. तसेच समाज माध्यमातून व्हायरल झालेली क्लिप पारनेरच्या तहसीलदार ज्योती देवरे यांची आहे. देवरे यांनी या संदर्भात ८ दिवसांपूर्वी तक्रार केली आहे. त्याची महिला आयोगामार्फत चौकशी सुरू असल्याचे जिल्हाधिकाऱ्यांनी सांगितले.
जिल्हाधिकारी डॉ. राजेंद्र भोसले यांनी चौकशी समिती नेमली असून या प्रकरणाचा अहवाल सादर करण्याचे आदेश दिले आहेत. या चौकशी समितीच्या उपजिल्हाधिकारी पल्लवी निर्मल या अध्यक्ष असून उपजिल्हाधिकारी उर्मिला पाटील आणि तहसीलदार वैशाली आव्हाड या सदस्य आहेत.
महत्त्वाच्या बातम्या
- ‘काँग्रेस पुढे गुडघे टेकून शिवसेनेनं महाराष्ट्राचा स्वाभिमान गहाण टाकला’; भाजपची जहरी टीका
- ठाकरे, पवार यांच्यासह १९ पक्षांच्या नेत्यांच्या उपस्थितीत सोनिया गांधींची महत्वाची बैठक
- ‘भाजपच्या भ्रष्टाचारी वृत्तीमुळेच देश रसातळाला गेलाय’; नाना पटोलेंचा भाजपवर हल्लाबोल
- ‘राज ठाकरे यांना प्रसिद्धीची हौस ; पवारांसारख्या शक्तीस्थळावर हल्ला करताच आपोआप प्रसिद्धी मिळते’
- ‘आरक्षण मिळणार नसेल तर स्पष्ट सांगा, माथी भडकवू नका’; राज ठाकरेंच रोखठोक भाष्य
