तलवार-गुप्ती बाळगणारा पुंडलिकनगर पोलिसांच्या ताब्यात

औरंंगाबाद : धारदार तलवार आणि गुप्ती बाळगणाऱ्या युवकास पुंडलिकनगर पोलिसांनी रविवारी (दि.३०) सायंकाळी गजाआड केले. ऋषिकेश महेंद्र दहिवाल (वय २०, रा.मोतीनगर, गारखेडा परिसर) असे तलवार आणि गुप्ती बाळगणाऱ्या युवकाचे नाव आहे.

गारखेडा परिसरातील मोती नगरात राहणाऱ्या ऋषिकेश दहिवाल याच्याकडे तलवार आणि गुप्ती असल्याची माहिती पुंडलिकनगर पोलिसांना मिळाली होती. पुंडलिकनगर पोलिस ठाण्याचे सहाय्यक निरीक्षक घनश्याम सोनवणे यांच्या मार्गदर्शनाखाली कारवाई करण्यात आली.

यात विशेष पथकाचे उपनिरीक्षक प्रविण मुळे, जमादार राजेश यदमळ, जाधव, निकम, धुळे आदींच्या पथकाने ऋषिकेश दहिवाल याच्या घरावर रविवारी सायंकाळी छापा मारला. पोलिसांनी ऋषिकेश दहिवाल याच्या बेडरूममधील कपाटाची झडती घेवून एक तलवार आणि गुप्ती जप्त केली. याप्रकरणी पुंडलिकनगर पोलिस ठाण्यात गुन्हा दाखल करण्यात आला आहे.

महत्वाच्या बातम्या

• अहिल्यादेवी होळकर यांचे कार्य आणि विचार जगभरातील राज्यकर्त्यांसाठी आदर्श आहे- अजित पवार
• १५ दिवसात १ कोटी रुपये देत माफी मागा, अन्यथा फौजदारी गुन्हा ; निलेश लंके आक्रमक
• वर्दीतील दरोडेखोर लवकरच गजाआड जातील; हसन मुश्रीफ यांचा सूचक इशारा
• मोदींनी गेल्या सात वर्षात जनतेचा विश्वास गमावला ; शिवसेना खासदाराची टीका
• ‘अद्याप नव्या कोरोना विषाणूवर ताबा आणू शकलेलो नाही, त्यात तिसरी लाट आली तर…’