ठाणे : राष्ट्रवादी काँग्रेसच्या खासदार सुप्रिया सुळे (Supriya Sule) यांनी केलेल्या टीकेला शिंदे गटाचे प्रवक्ते नरेश म्हस्के (Naresh Mhaske) यांची प्रत्युत्तर दिले आहे. राज्यातील सत्ता गेल्याचा धक्का सुप्रिया सुळे अजून पचवू शकलेल्या नाहीत, त्यामुळे त्यांची स्मरणशक्तीसुध्दा कमी झालेली दिसत आहे. त्यांची स्मरणशक्ती वाढविण्यासाठी त्यांना एखादे टॉनिक आम्ही लवकरच पाठवू असं प्रत्युत्तर शिंदे गटाते प्रवक्ते नरेश म्हस्के यांनी दिले आहे.
गेल्या दीड दोन महिन्यात महाराष्ट्राची प्रचंड बदनामी झाली, असे वक्तव्य सुप्रिया सुळे यांनी केले होते. दरम्यान नरेश म्हस्के यांनी आपल्या खास शैलीत समाचार घेतला आहे. राज्याचा गृहमंत्री भष्टाचाराच्या आरोपाखाली गजाआड गेला, मोस्ट वॉन्टेड गुंड दाऊद इब्राहीमशी लागेबांधे असल्याच्या मुद्यावरुन एका मंत्र्याच्या हातात बेड्या पडल्या. आजही ही मंडळी तुरुंगातच आहेत. त्यांच्या काळ्या धंद्यांनी महाराष्ट्राची देशभरात बदनामी झाली नव्हती का ? राज्यात जेव्हा सिंचन घोटाळा (Irrigation Scam) उघडकीस आला तेव्हा महाराष्ट्र बदनाम झाला नव्हता का?, असा प्रश्न म्हस्के यांनी विचारला आहे.
…तेव्हा राज्य बदनाम झाले नव्हते का?
“आदर्श घोटाळ्यात एका मुख्यमंत्र्याला राजीनामा द्यावा लागला तेव्हा राज्य बदनाम झाले नव्हते का? बॉम्बस्फोटामध्ये असंख्य मुंबईकरांनी प्राण गमावल्यानंतर बड़े देशोमें ऐसी छोटी मोटी बाते होती है, असे म्हणून जखमांवर मिठ चोळणाऱ्या माजी गृहमंत्र्यांच्या वक्तव्यांमुळे महाराष्ट्राची बदनामी झाली नव्हती का?. राज्याच्या एका माजी मुख्यमंत्र्यांचे कुख्यात गुंड दाऊद इब्राहीमशी लागेबांधे असल्याची चर्चा काही वर्षांपूर्वी तेजीत होती. तेव्हा महाराष्ट्राची प्रतिमा डागाळली नव्हती का?”, असा सवाल नरेश म्हस्के यांनी खासदार सुप्रिया सुळे यांना विचारला आहे.
महत्वाच्या बातम्या :
- Navneet Rana | “…तेव्हा वाटत नाही की उद्धव ठाकरे बाळासाहेबांचे सुपुत्र आहेत” ; नवनीत राणा यांची खोचक टीका
- Eknath Shinde : मुख्यमंत्री शिंदे आणि प्रताप सरनाईकांमध्ये वाद? पूर्वेश सरनाईकांचं ट्विट चर्चेत
- Prajakta Mali | पुन्हा एकदा प्राजक्ता माळीच्या फोटोवर नेटकऱ्यांचा कमेंट्सचा वर्षाव, ‘या’ पोस्टमुळे झाली ट्रोल
- Adipurush Poster Release | आदिपुरुष चित्रपटातील प्रभासची पाहिली झलक आली समोर
- Dry Skin | तुमचीही त्वचा कोरडी असेल तर ‘हे’ उपाय करा
बातम्यांसाठी YouTube चॅनेल Subscribe करा
Subscribe Now
