🕒 1 min read
Supriya Sule | मुंबई : पुण्याचे पालकमंत्री चंद्रकांत पाटील (Chandrakant Patil) यांच्यावर शाईफेक करण्यात आल्यानंतर राज्यातील राजकीय वातावरण चांगलंच तापलं आहे. यानंतर चिंचवड पोलिसांनी गुन्हा दाखल केला असून .मनोज गरबडे, विजय ओव्हाळ, धनंजय इजगज तिघांना अटक केली आहे. दरम्यान पोलीस संरक्षणात असतानाही चंद्रकांत पाटील यांच्यावर शाई फेकण्यात आल्याने पोलीस आयुक्त अंकुश शिंदे यांनी ११ पोलीस कर्मचाऱ्यांना निलंबित केलं आहे.
शाईफेक करणाऱ्या ( Throwing ink) तिघांना न्यायालयाने तीन दिवसांची पोलिस कोठडी (Police Custody) सुनावली आहे. शाईफेक करणाऱ्यावर जीवे मारण्याचा प्रयत्न करणे आणि सरकारी कामात अडथळा निर्माण करणे असे गुन्हे दाखल झाले आहेत. यावर सुप्रिया सुळे (Supriya Sule) यांनी प्रतिक्रिया दिली आहे. माध्यमांशी बोलताना त्यांनी देवेंद्र फडणवीसांवर हल्लाबोल केला आहे.
सुप्रिया सुळे म्हणाल्या, “मला वाटतं, गृहमंत्र्यांचा कायदा हा नियमाप्रमाणे चालत नाही, तो त्यांच्या मर्जीप्रमाणे चालतो. ते अभिमानाने सांगतात, आमचं ‘ईडी’ सरकार आहे. कुणीही त्यांच्या विरोधात बोललं तर त्याच्या पाठीमागे तपास यंत्रणांची चौकशी लावली जाते.”
“देशातील राजकीय नेत्यांवरील एकूण गुन्ह्यांपैकी जवळपास ९५ टक्के गुन्हे हे विरोधी पक्षातील नेत्यांवर दाखल कले आहेत. त्यांच्या पक्षातील एखाद्या नेत्यावर गुन्हा दाखल झाला, तर त्याला वाॉशिंग मशीनमध्ये घातल्याप्रमाणे साफ करून ‘क्लीन चीट’ दिली जाते, हे संपूर्ण देशानं पाहिलं आहे. याबाबतचा तपशीलही समोर आला आहे. मी कुठलेही वैयक्तिक आरोप करत नाही,” असंही त्यांनी सांगितलं.
महत्वाच्या बातम्या :
- Asim Sarode | “शाईफेक प्रकरणी अटक केलेल्या आरोपींचा खटला मोफत चालवणार”; ‘या’ मोठ्या वकिलाची घोषणा
- Raju Shetti | शाईफेक करणाऱ्या मनोज गरबडेंवर हत्येचा प्रयत्न केल्याचा गुन्हा दाखल; राजू शेट्टी म्हणाले, “तालिबान्यांसारखे…”
- Manoj Garbade | मनोज गरबडे वरील कारवाई बेकादेशीर?; सोशल मीडियावर ‘Release Manoj Garbade’ ट्रेण्डवर
- Uddhav Thackeray | “कर्नाटकचे मुख्यमंत्री मस्तीत बोलतात आणि आपले मुख्यमंत्री…”; सीमाप्रश्नावरून ठाकरेंचा हल्लाबोल
- NCP | “मनोज गरबडे वर अन्याय झाला तर कायदेशीर मदत करणार”; शाईफेक प्रकरणी राष्ट्रवादीच्या नेत्याचं मोठं विधान
बातम्यांसाठी YouTube चॅनेल Subscribe करा
Subscribe Now
