कोल्हापूर : गुरवारी सरकार आणि शेतकरी संघटनेत उस दरासंदर्भात चर्चा फिसकटल्यानंतर उस दर आंदोलनाचा भडका राज्यात उडाला होता. पण आज कोल्हापुरात ऊस दरासंदर्भात झालेल्या बैठकीत प्रतिटन उचलीला 200 रुपयांचा वाढीव एफआरपी देण्याचा निर्णय घेण्यात आला आहे.
आज कोल्हापूर येथे झालेल्या बैठकीत सहकारमंत्री चंद्रकांत पाटील, खासदार राजू शेट्टी, सदाभाऊ खोत, आणि साखर कारखानदार उपस्थित होते. या बैठकीत उसाला प्रतिटन पहिल्या उचलीबरोबर 100 रुपये आणि दोन महिन्यांनतर 100 रुपये असे एकूण 200 रुपये वाढीव देण्याचा निर्णय घेण्यात आला. या नव्या एफआरपी दराला कारखानदार आणि स्वाभिमानी शेतकरी संघटनेनंही हिरवा कंदील दाखवला आहे.
