बीड: राज्यात लसीकरण थंडावलेले असतांना, बीडचे राजकारण मात्र तापले आले. पंकजा मुंडे आणि धनंजय मुंडे यांच्यात कोरोना लसीवरुन शाब्दिक युद्ध सुरु झाल्याचे दिसून येत आहे. अनेक महिने विश्रांतीनंतर अचानक जाग आली की बाहेरच्या अनेक गोष्टीची माहितीच नसते. केंद्राने राज्याला दिलेल्या 2 लाख लसी या कोव्हॅक्सिनच्या दुसऱ्या डोससाठी आहेत,त्यामुळे शिल्लक लसींची माहिती घेऊन त्याप्रमाणात सर्व जिल्ह्यांना लसी वाटण्यात आल्या.हे काहींना ज्ञात नसेल. अशा शब्दात धनंजय मुंडे यांनी पंकजा आणि प्रितमा मुंडेंच्या ट्विटला प्रत्युत्तर दिले.
दरम्यान, मागील काही दिवसांपासून लसींचा तुटवडा असल्याचे बोलले जात आहे, केंद्राकडून लसींचा पुरवठा होत नसल्याने महाराष्ट्रात तुटवडा जाणवत आहे. त्यात पंकजा मुंडे यांनी राजेश टोपे यांना पत्र लिहून लसीकरण सुरळीत पार पाडण्याची व रेमेडिसिवर इंजेक्शन उपलब्ध करून देण्याची मागणीवर उत्तर देताना धनंजय म्हणाले, ताई साहेब, मा. मुख्यमंत्र्यांना व मा. आरोग्य मंत्र्यांना पत्र लिहिण्याऐवजी पूर्ण माहिती घेऊन एखादे पत्र मा. पंतप्रधानांना पाठवावे व लसींचा पुरवठा वाढविण्याबाबत आग्रह धरावा, जेणेकरून कोरोनाविरुद्धच्या या लढाईत खरोखरच आपली मदत होईल.
अनेक महिने विश्रांतीनंतर अचानक जाग आली की बाहेरच्या अनेक गोष्टीची माहितीच नसते. केंद्राने राज्याला दिलेल्या 2 लाख लसी या कोव्हॅक्सिनच्या दुसऱ्या डोससाठी आहेत,त्यामुळे शिल्लक लसींची माहिती घेऊन त्याप्रमाणात सर्व जिल्ह्यांना लसी वाटण्यात आल्या.हे काहींना ज्ञात नसेल. @DrPritamMunde pic.twitter.com/9EjHxh1Rqp
— Dhananjay Munde (@dhananjay_munde) April 16, 2021
बीड जिल्ह्यात सध्या दुसऱ्या डोससाठी कोव्हॅक्सिनचे 13290 डोस शिल्लक आहेत. तसेच हा स्टॉक संपायच्या आत आणखी दोन दिवसांनी पुढील स्टॉक येईलच, हेही काहींना माहीत नसावं. पण आपल्या अचानक आलेल्या जागृतीतून जनतेमध्ये संभ्रम निर्माण होत असून त्याचा परिणाम लसीकरण प्रक्रियेवर देखील होऊ शकतो. पुढे ट्विट करत धनंजय यांनी लसीकरणाबाबत संपूर्ण माहिती देत, पंकजांना मुंडे यांना नाव न घेता टोला लावला.
महत्त्वाच्या बातम्या :
- पालघर प्रकरणातील साधूंना जोपर्यंत न्याय मिळत नाही तोपर्यंत आम्ही गप्प बसणार नाही – कदम
- पत्नी सोबत वेळ घालवता यावा म्हणून अनुपम खेर यांनी अमेरिकन सीरिजला ठोकला रामराम
- अनिल परब सेवाभावी मंत्री; सेवा आणि मेवा कुठे जातो याची चौकशी व्हावी ! – राणे
- तारक मेहताच्या सेटवर कोरोनाचा कहर ; 4 जण आले पॉझिटिव्ह
- उस्मानाबाद जिल्ह्यातील आरोग्य यंत्रणा ‘व्हेंटिलेटर’वर, रुग्णांसह नातेवाईकांची शर्थीची झुंज!
