मुंबई: राज्याचे उद्योगमंत्री सुभाष देसाई (Industry Minister Subhash Desai) यांना औरंगाबाद खंडपीठाने मोठा दणका दिला आहे. विनानिविदा शिवसेना पदाधिकारीला एमआयडीसीतील प्लॉट देण्याचा निर्णयाप्रकरणी औरंगाबाद खंडपीठाने हा दणका दिला आहे. शिवसेना पदाधिकारी शशिकांत वडळे यांना मंजूर केलेल्या शेंद्रा एमआयडीसीतील प्लॉटचा ताबा घेण्यास औरंगाबाद खंडपीठाचे न्या. आर.डी. धानुका व न्या. एस.जी. मेहरे यांनी मनाई केली आहे. तसेच पुढील सुनावणी ४ एप्रिल रोजी होणार असून या प्रकरणामुळे सुभाष देसाई अडचणीत येण्याची शक्यता आहे. यावरूनच भाजप आमदार अतुल भातखळकर(Atul Bhatkhalkar) यांनी थेट सेनेवर निशाणा साधला आहे.
“उद्योगमंत्री सुभाष देसाई यांना उच्च न्यायालयाच्या औरंगाबाद खंडपीठाने दणका दिला असून शिवसेना पदाधिकाऱ्याला विनानिविदा मंजूर केलेल्या प्लॉटचा ताबा घेण्यास मनाई केली आहे. आमच्याकडे बहुमत आहे म्हणून आम्ही म्हणू ती पूर्व हा उन्मत्तपणा न्यायालयाकडे चालत नाही. की मग असे थोबाड फुटते.”, असा टोला अतुल भातखळकर यांनी ट्वीट करत लगावला आहे.
उद्योगमंत्री सुभाष देसाई यांना उच्च न्यायालयाच्या औरंगाबाद खंडपीठाने दणका दिला असून शिवसेना पदाधिकाऱ्याला विनानिविदा मंजूर केलेल्या प्लॉटचा ताबा घेण्यास मनाई केली आहे.
आमच्याकडे बहुमत आहे म्हणून आम्ही म्हणू ती पूर्व हा उन्मत्तपणा न्यायालयाकडे चालत नाही. की मग असे थोबाड फुटते. pic.twitter.com/3gRUW15avM— Atul Bhatkhalkar (@BhatkhalkarA) March 24, 2022
दरम्यान अजित अंबादास मेटे आणि अंबादास विश्वनाथ मेटे हे संचालक असलेल्या एस. एस. वैशाली इंडिया कंपनीला शेंद्रा औद्योगिक वसाहतीतील प्लॉट क्र. ए २ मंजूर झालेला आहे. मात्र २०१९ मध्ये कंपनीला आग लागली. तसेच संबंधित कंपनीने प्लॉटचे बांधकाम पूर्णत्वाचे प्रमाणपत्र घेतले नसल्यामुळे त्यांना दोन वेळा नोटीस बजावत २०१९ मध्ये एमआयडीसी प्रशासनाने प्लॉट रद्द केला. त्यामुळे मेटे यांनी न्यायालयात आव्हान दिले तर हाच प्लॉट उद्योगमंत्री यांनी शिवसेना पदाधिकारी शशिकांत वडळे यांना मंजूर केला. त्यामुळे वैशाली कंपनीच्या संचालकांनी न्यायालयात याविरोधात दाद मागितली. आता यावर न्यायालयाने शशिकांत वडळे यांना मंजूर केलेल्या शेंद्रा एमआयडीसीतील प्लॉटचा ताबा घेण्यास मनाई केली आहे. मात्र सुभाष देसाई यामुळे अडचणीत येण्याची शक्यता आहे.
महत्वाच्या बातम्या:
- “विरोधी पक्षनेते कितीही बोंबलले तरी…”, संजय राऊतांचा हल्लाबोल
- इतका आदर्श सामाजिक न्याय मंत्री आजवर राज्याला लाभला नाही; भातखळकरांचा धनंजय मुंडेंना टोला
- IPL 2022: CSKच्या चाहत्यांसाठी खुशखबर! मोईन अलीला व्हिसा मिळाला; ‘या’ तारखेला संघाशी जुळणार
- “तुम्हाला शोधून चोप दिला आणि गावात धिंड काढली तर…”तृप्ती देसाईंची फेसबुक पोस्ट चर्चेत
- “जनतेचा आवाज म्हणून विधानसभेत…”, करुणा मुंडेंनी व्यक्त केली इच्छा
