लातूर: राज्यात तसेच अनेक जिल्ह्यांमध्ये कोरोनाचा कहर बघायला मिळत आहे. कोरोना रुग्णसंख्या दिवसेंदिवस वाढत आहे, त्यामुळे सरकारने सर्वत्र संचारबंदी लागू केली आहे. वाढत्या कोरोनाला थांबवण्यासाठी अनेक उपाययोजना शासन तसेच स्थानिक प्रशासन करत आहे. याच पार्श्वभूमीवर पालकमंत्री अमित देशमुख यांनी चाकूर तालुक्यातील कोविड केअर सेंटरला भट दिली आहे.
कोरोनाचा प्रादुर्भाव तसेच जिल्ह्यात वाढती रुग्ण संख्या आणि आरोग्य व जिल्हा प्रशासन यांच्याकडून राबविण्यात येणाऱ्या उपाययोजनांचा आढावा घेण्यासाठी पालकमंत्री अमित देशमुख यांनी जिल्ह्यातील चाकूर इथल्या कृषी महाविद्यालय कोविड केअर सेंटरची पाहणी केली. या वेळी येथील रुग्णांना उपलब्ध आरोग्य सुविधा व उपाययोजनांची पाहणी करून माहीती घेतली. चाकूर तालुक्यात ८६४ रुग्ण उपचार घेत असून तालुक्यात २४ ठिकाणी रुग्ण तपासणी केली जात आहे.
चाकूर तालुक्यातील रुग्ण तपासणी संख्या कमी असून तपासणीचा वेग सध्याच्या तपासणीच्या तुलनेत दहा पट अधिक वाढवावा, परवानगी नसताना व्यवसाय करणाऱ्यावर कारवाई करावी, तालुक्याच्या ठिकाणी किमान १०० बेड रुग्णालय असावे याकरीता प्रस्ताव तयार करावा, कोरोना मुक्त गाव अभियान राबवून शासन स्तरावर पुरस्काराने सन्मान असा उपक्रम राबवावा, एकूण बाधित रुग्णांची विविध घटकातील वर्गवारी काढून त्या त्या घटकात जनजागृती करावी, २५ पेक्षा रुग्ण असलेल्या गावात संस्थात्मक विलगिकरण सुरू करण्यात यावे, अशा सूचना या वेळी पालकमंत्री अमित देशमुख यांनी संबंधित आरोग्य अधिकाऱ्यांना दिल्या. यावेळी जिल्हाधिकारी बी.पी.पृथ्वीराज व इतर अधिकारी उपस्थित होते.
महत्वाच्या बातम्या
- अचानक जाग आली की बाहेरच्या गोष्टीची माहितीच नसते, धनंजय मुंडेंचे पंकजांना प्रत्युत्तर
- ‘ये राऊत की खुर्सी लेकर ही मानेगी’ ; कंगणाच्या ट्विटनंतर नेटकऱ्यांची प्रतिक्रिया
- प्राध्यापक कॉपी पुरवतात, अश्या केंद्रावर कारवाई करणार : डॉ. योगेश पाटील
- ठाकरे सरकारचा गलथान कारभार, मोफत शिवभोजन थाळीसाठी गरिबांना मोजावे लागले पैसे
- दिल्ली कॅपीटल्सचा कर्णधार रिषभ पंत धावबाद होताच रियान परागचे अनोखे सेलीब्रेशन
बातम्यांसाठी YouTube चॅनेल Subscribe करा
Subscribe Now
