मुंबई : मुंबईतील भांडूप मधील ड्रीम्स मॉलमधील सनराईझ या रुग्णालयात काही दिवसापूर्वी आग लागली होती. या मॉलमध्ये सनराईझ रुग्णालय चालवले जात होते. त्या रुग्णालयात कोरोना रुग्णांवर उपचार सुरु होते. या आगीत त्याच इमारतीमधील कोरोना रुग्णालयातील ११ रुग्णांचा मृत्यू झाला होता. या अग्निकांडात ड्रीम्स मॉल मधील सर्व दुकाने जळून खाक झाली होती.
या आगीच्या पार्श्वभूमीवर महापालिकेने खबरदारी म्हणून सर्व रुग्णालये आणि कोरोना उपचार केंद्रांची संरचात्मक व अग्निप्रतिबंधात्मक तपासणी करून घ्यावी, असे निर्देश पालिका आयुक्त इक्बाल सिंह चहल यांनी नुकतेच दिले आहेत.
मुंबई सह राज्यात कोरोनाबाधित रुग्णांची संख्या दिवसेंदिवस वाढतच असल्यामुळे पालिका प्रशासनाने खाटांची संख्या वाढवण्यासाठी हालचाली सुरू केल्या आहेत. सध्याच्या रुग्णशय्यांची क्षमता वाढवून ती एकूण २० हजारांहून अधिक करण्यात येत आहे. कोरोनाची लक्षणे नसलेल्या, तसेच दीर्घकालीन आजार नसलेल्या बाधित रुग्णांना रुग्णालयात दाखल करून घेता येणार नाही. तर सर्व खासगी आणि सार्वजनिक रुग्णालयांतील खाटांचे नियोजन आता विभाग कार्यालयांतील नियंत्रण कक्षातूनच केले जाणार असल्याच चहल यांनी स्पष्ट केले आहे.
पालिका आयुक्तांनी रुग्णालयातील ऑक्सिजनचा साठा, कृत्रिम श्वास उपकरणे तसेच इतर आवश्यक उपकरणांची पुन्हा पडताळणी करण्याचे निर्देश देण्यात आले आहेत. तसेच या सर्व निर्देशांबरोबर कोरोना उपचार केंद्रांच्या संरचनात्मक तपासणीचेही निर्देश देण्यात आले आहेत.
महत्वाच्या बातम्या
- ममता बॅनर्जी नावाची एकटी वाघीण भाजपला पुरून उरेल – संजय राऊत
- ‘सकाळी वृत्तपत्र वाचल्यानंतर अर्थमंत्र्यांना व्याज कपातीसंदर्भातील माहिती मिळाली असावी’
- चेन्नईला या सत्रातही संघर्ष करावा लागणार; आकाश चोप्राचे मोठे भाष्य
- ‘या’ गावात गावकऱ्यांची पाण्यासाठी मरमर
- ‘…की, निवडणुका लक्षात घेता व्याजकपात करण्याचा निर्णय मागे घेत आहात ?’
बातम्यांसाठी YouTube चॅनेल Subscribe करा
Subscribe Now
