🕒 1 min read
मुंबई : आज (दि. १८ मार्च) रोजी जळगाव महापालिकेच्या महापौर व उपमहापौर पदाची निवडणूक पार पडली आहे. एकूण ७५ नगरसेवकांपैकी ५७ नगरसेवक भाजपचे, १५ नगरसेवक शिवसेनेचे तर ३ एमआयएमचे आहेत. मात्र, जळगाव महापालिकेवर शिवसेनेनं झेंडा फडकावला असून गेल्या आठवड्याभरात मोठं राजकीय नाट्य रंगलं होतं.
जळगाव महापालिकेच्या महापौरपदी शिवसेनेच्या जयश्री महाजन यांची निवड झाली आहे. जयश्री महाजन यांना 45 मत पडली आहेत. तर भाजपच्या उमेदवार प्रतिभा कापसे यांना 30 मतं पडली आहेत. बहुमतासाठी ३८ मतांची गरज शिवसेनेला होती. त्यामुळे अवघे १५ नगरसेवक असूनही तिप्पट बलाढ्य भाजपला शिवसेनेनं आपल्या बाणाने घायाळ केलं आहे.
महापालिकेतील विजयानंतर शिवसैनिकांनी फटाके फोडून जल्लोष साजरा केला आहे. तर, शिवसेना नेत्या व अभिनेत्या उर्मिला मातोंडकर यांनी देखील ट्विटद्वारे शिवसेना नेते व मंत्री आदित्य ठाकरे यांचं अभिनंदन केलं आहे. ‘जळगाव महानगरपालिकेच्या महापौरपदी निवड झालेल्या शिवसेनेच्या सौ. जयश्रीताई महाजन जी तसेच उपमहापौरपदी निवड झालेले श्री. कुलभूषण पाटील जी यांचे मनापासून अभिनंदन आणि पुढील वाटचालीसाठी शुभेच्छा!’ असं ट्विट आदित्य ठाकरे यांनी केलं होतं, हेच ट्विट रिट्विट करून उर्मिला मातोंडकर यांनी अभिनंदन करून शुभेच्छा दिल्या आहेत.
अभिनंदन ???????? आणि शुभेच्छा ???????? https://t.co/oCkZ5kaVNF
— Urmila Matondkar (@UrmilaMatondkar) March 18, 2021
संकटमोचक गिरीश महाजन यांना मोठा धक्का !
भाजपच्या २७ हुन अधिक नगरसेवकांनी बंडखोरी करत शिवसेनेला पाठींबा दिला आहे. दरम्यान, भाजपचे हे नगरसेवक शिवसेनेत प्रवेश करण्याची दाट शक्यता आहे. जळगावातील या पराभवामुळे भाजपचे संकटमोचक माजी मंत्री गिरीश महाराजन यांना मोठा धक्का मानला जात आहे. तर, एकनाथ खडसे यांनी भाजपला रामराम ठोकल्यापासून खान्देशात भाजपला उतरती कळा लागली आहे.
महत्वाच्या बातम्या
- मोटू-पतलूच्या हातात कोंबड्या देऊन युवासेनेचे राणेंच्या विरोधात आंदोलन !
- महाजनांना धक्का : भाजपचे तब्बल 27 फुटल्याने जळगाव महापालिकेत शिवसेनेचा भगवा फडकला
- ‘मातोश्रीपर्यंत जातात असे बडे नेते अडकणार म्हणून सचिन वाझेंच्या जीविताला धोका’
- भारताचा गोलंदाजपटू राहुल शर्माच्या वडिलांचे कोरोनोमुळे निधन
- येत्या वर्षभरात हटवण्यात येणार सर्व टोलनाके; नितीन गडकरींची मोठी घोषणा
बातम्यांसाठी YouTube चॅनेल Subscribe करा
Subscribe Now
