मुंबई: ओबीसी आरक्षणासंदर्भात सुप्रीम कोर्टात महत्वाची सुनावणी पार पडली आहे. मागासवर्ग आयोगाने जो अहवाल सादर केला होता तो अहवाल सुप्रीम कोर्टाने नाकारला आहे. त्यामुळे आता सुप्रीम कोर्टाच्या पुढील निर्देशांपर्यंत निवडणुकीत ओबीसी आरक्षण लागू करता येणार नाही. यावरूनच भाजपने ठाकरे सरकारला सुरु असलेल्या अधिवेशनात चांगलेच घेरले आहे.
दरम्यान विरोधी पक्षनेते देवेंद्र फडणवीस (Devendra Fadnavis) यांनी सर्व चर्चा रद्द करून फक्त ओबीसी आरक्षणावर मार्ग काढा अशी आक्रमक भूमिका घेतली आहे. यालाच मंत्री छगन भुजबळ (Chhagan Bhujbal) यांनी खोचक टोला लगावत प्रत्युत्तर दिले आहे. भुजबळ म्हणाले की, “फडणवीस यांनी काल सुप्रीम कोर्टात काय झालं, त्यावर आपलं मत मांडलं. त्यांचं स्वागत करतो. ओबीसींच्या पाठीमागे मजबुतीनं उभे आहात, ही चांगली गोष्ट आहे. म्हणून भाजपच्या एका भगिनीनं ओबीसी वाचवा टोपी घालून दिली, मी ती लगेचच घातली.”, असे ते म्हणाले आहेत.
तसेच तुमच्यासारखा समजूतदार नेता असताना यात काय अडचण येईल, भांडणं करण्याऐवजी, एकत्र येऊया आणि हा विषय सोडवूया. कोण कुठं काय काय बोललं हे सगळं आमच्याकडे आहे. मात्र केवळ दुरावा निर्माण करण्याचा तुमचा वाचवा हा शब्द तो बुडवा हा शब्द होईल असं करू नका, अशा शब्दांत भुजबळ यांनी फडणवीसांना टोलाही लगावला आहे.
महत्वाच्या बातम्या:
IND vs SL : नवऱ्यासाठीचा ऐतिहासिक दिवस बायकोनं अजून बनवला खास; विराटसाठी अनुष्कानं….!
- State Budget Session : राज्यपालांच्या ‘त्या’ कृत्याचा राज्य मंत्रिमंडळाकडून निषेध; राष्ट्रपतींना पाठवणार पत्र
- यूक्रेन – रशियातली चर्चा हस्तांदलोनाने पडली पार, रशियन सरकारी चॅनलचं ट्विट
बातम्यांसाठी YouTube चॅनेल Subscribe करा
Subscribe Now
