…म्हणून मी आणि जानकर साहेब पवारांना भेटलो, रत्नाकर गुट्टेंनी सांगितलं कारण

नांदेड:- राष्ट्रीय समाज पार्टीचे (रासप) अध्यक्ष महादेव जानकर व आमदार रत्नाकर गुट्टे यांनी राष्ट्रवादीचे सर्वेसर्वा शरद पवार आणि उपमुख्यमंत्री अजित पवार यांची भेट घेतल्याने राजकीय चर्चेस उधाण आलं आहे. दरम्यान, माझा साखर कारखाना सुरू करण्यासंदर्भात आम्ही पवार साहेबांना भेटलो, असा खुलासा आमदार रत्नाकर गुट्टे यांनी केला आहे. नांदेड विमानतळावर ते माध्यमांच्या प्रतिनिधींशी बोलत होते.

महादेव जानकर व आमदार रत्नाकर गुट्टे यांनी शरद पवार आणि अजित पवार यांची भेट घेतली होती. या तिन्ही नेत्यांमध्ये सुमारे अर्धा तास खलबतं झाल्याचं सांगण्यात येतं. जानकर यांनी ही राजकीय भेट नसल्याचं जाहीर केलं आहे. दरम्यान, नुकत्याच झालेल्या विधानपरिषदांच्या निवडणुका, त्यात भाजपला आलेलं अपयश आणि तीन पक्षांच्या आघाडीला मिळालेलं यश या पार्श्वभूमीवर जानकर यांच्या या भेटीकडे पाहिले जात आहे. आगामी काळातही या तिन्ही पक्षांनी एकत्र निवडणुका लढवल्या तर ग्रामपंचायतीपासून लोकसभेपर्यंतच्या निवडणुकीत भाजपला पराभवाचा सामना करावा लागणार असल्याचं स्पष्ट होत आहे. त्यामुळे जानकर हे नव्याने राजकीय समीकरण जुळवण्याच्या तयारीत असल्याचं बोललं जात आहे.

रासपचे आमदार रत्नाकर गुट्टे यांच्या साखर कारखान्याच्या कामानिमित्ताने पवारांची भेट घेण्यात आल्याची सारवासारव जानकर यांनी केली आहे. तसेच पवारांची भेट घेण्याआधी विरोधी पक्षनेते देवेंद्र फडणवीस यांच्याशी फोनवर चर्चा करून त्यांना या भेटीची कल्पना दिली होती, असा दावाही जानकर यांनी केला आहे.

महत्वाच्या बातम्या

• …तर शेतकऱ्यांसाठी मी सर्वात आधी गोळी झेलेल, महाराष्ट्राची रणरागिणी दिल्लीत कडाडली!
• …अन् ‘त्या’ स्वाभिमानी कृषीतज्ञाने केंद्रीय मंत्र्यांच्या तोंडावर पुरस्कार नाकारला !
• आशा स्वयंसेविकांच्या प्रलंबित मागण्या आणि त्यांच्या मानधनाचा प्रश्नही तातडीने सोडवू : मुश्रीफ
• शेतक-यांच्या एकरकमी कर्ज परतफेड योजनेस मुदतवाढ
• आंध्रप्रदेशात गूढ आजाराच थैमान; वैद्यकीय विशेषज्ञांसमोरही प्रश्नचिन्ह कायम…