नवी दिल्ली : देशभरात सध्या ‘द कश्मीर फाइल्स’ या चित्रपटवरून राजकारण चांगलेच पेटले असल्याचे दिसून येत आहे. दरम्यान, यावर राजकीय क्षेत्रातून अनेक प्रतिक्रिया उमटत असतानाच आता केंद्रीय गृहमंत्री अमित शहा (Amit Shah) यांनी हा चित्रपट का बघावा, यासंदर्भात वक्तव्य केले आहे.
यासंदर्भात प्रसार माध्यमांशी संवाद साधत असतांना अमित शहा म्हणाले की,‘ काँग्रेसच्या काळात काश्मीर किती दडपशाही आणि दहशतीखाली होते हे कळण्यासाठी ‘द कश्मीर फाइल्स’ हा चित्रपट सर्वांनी जरूर पाहावा. नरेंद्र मोदींना दुसऱ्यांदा पंतप्रधान करण्यात आले तेव्हा त्यांनी ५ ऑगस्ट २०१९ रोजी कलम ३७० हटवले. त्यानंतर देशभरातील लोकांना हे समजले की नरेंद्र मोदींसारख्या प्रबळ इच्छाशक्तीच्या नेत्याने देशाचे नेतृत्व केले तर काहीही अशक्य नाही.’
दरम्यान, देशभरात ‘द कश्मीर फाइल्स’ या चित्रपटाची चांगलीच चर्चा रंगली आहे. तसेच हा सिनेमा म्हणजे काश्मीरी पंडितांवर झालेल्या अन्यायाचा ज्वलंत इतिहास असल्याचे भाजपकडून सांगण्यात येत आहे.
महत्वाच्या बातम्या
- यशवंत जाधव यांनी ‘मातोश्री’ला दिली दोन कोटींची भेट? आयटीच्या छाप्यात सापडली डायरी
- “यशवंत जाधव यांचे ‘मातोश्री’ प्रेम डोळ्यात पाणी आणणारे”, भातखळकरांचे टीकास्त्र
- “दोन्ही हातात घड्याळी असतात, याचं गुपित ५० लाख तर…”, भाजपचे टीकास्त्र
- बुऱ्हान वाणीचे समर्थन करणाऱ्या मेहबुबा मुफ्ती भाजपच्या ‘मैत्रीण’- संजय राऊत
- पुण्यात तुमची चॉईस काय असेल?; गडकरींनी मिश्कीलपणे म्हटले…
