चमच्यांचे ‘हे’ विधान ऐकून मोदींची दोन तासांची झोपही उडाली असेल- संजय राऊत

मुंबई : भाजप नेते चंद्रकांत पाटील (Chandrakant Patil) यांनी पंतप्रधान नरेंद्र मोदी (Narendra Modi) दिवसातून २२ तास जागे असतात. ते केवळ २ तास झोपतात. सध्या नरेंद्र मोदी एक प्रयोग करत असून तो म्हणजे त्यांना झोपावं लागणार नाही, असे वक्तव्य केले. यावरून आता शिवसेना खासदार संजय राऊत (Sanjay Raut) यांनी आपल्या आजच्या सामना रोखठोखच्या माध्यमातून मोदी सरकारवर टीका केली आहे. तसेच ‘मोदी २२ तास काम करतात. उरलेले दोन तास झोपही पंतप्रधानांना येऊ नये यावर संशोधन सुरू आहे’, चमच्यांचे हे विधान ऐकून पंतप्रधान मोदींची दोन तासांची झोपही उडाली असेल, असेही राऊत म्हणाले.

लेखात राऊत म्हणाले आहेत की,‘महाराष्ट्राचे चंद्रकांत पाटील यांनी अंधभक्तीच्या चिपळ्या वाजवीत सांगितले, नरेंद्र मोदी हे अखंड काम करतात. ते बावीस तास काम करतात व फक्त दोन तास झोपतात. आता ही दोन तासही झोप येऊ नये म्हणून प्रयत्न सुरू आहेत. पाटलांची ही विधाने ऐकून दिल्लीत पंतप्रधान मोदींची दोन तासांची झोपही उडाली असेल. भक्तांना आणि चमच्यांना हे इतके मानसिक बळ येते कोठून, हाच संशोधनाचा विषय आहे.’

दरम्यान, पुढे ते म्हणाले की, ‘मोदींना खिचडी आवडते म्हणून भक्तांनाही खिचडी आवडू लागली. मोदींनी चहा विकला म्हणून भक्तांनी चहाची विक्री सुरू केली. या भक्तीस तोड नाही. आता तर कोथरुडचे पाटील मोदींच्या झोपेवर संशोधन करायला निघाले. मोदी यापुढे २४ तास जागे राहतील. म्हणजे त्यांचे भक्तही झोपणार नाहीत.’

महत्वाच्या बातम्या

• IPL 2022 : नाईट रायडर्सने पूर्ण केला गेल्या वर्षीचा बदला, चेन्नईला पहिल्याच सामन्यात केले परास्त
• IPL 2022 : CSKने दिले नाईट रायडर्सना १३२ धावांचे लक्ष्य ; विंटेज ‘धोनी’ परतला!
• IPL 2022 : पहिल्या सामन्यातील पहिला बॉलच नो बॉल ; तर ऋतुराज डकवर परतला
• IPL 2022: १५व्या हंगामातील पहिला टॉस श्रेयसने जिंकला; वाचा दोन्ही संघात कोण खेळणार!
• पुणे सुपरजायंट्सच्या माजी कोचचा धोनीबाबत धक्कादायक खुलासा; म्हणाला होता “मला सल्ले…”