मुंबई : बॉलिवूड गायक मिका सिंग अनेकदा त्याच्या गाण्यांमुळे चर्चेत असतो, मात्र यावेळी तो कोणत्याही गाण्यामुळे नव्हे तर त्याच्या लग्नामुळे चर्चेत आहे. मिका सिंग लवकरच लग्नबंधनात अडकणार आहे. मिका सिंग त्याच्या अफेअरमुळे अनेकदा चर्चेत आला आहे. चाहत खन्ना ते आकांक्षा पुरीपर्यंत अनेक मुलींसोबत मिका सिंगचे नाव जोडले गेले होते, परंतु असे असूनही त्याने त्याच्या कोणत्याही नात्याबद्दल कधीही खुलासा केला नाही.
गायक मिका सिंगने त्याच्या इंस्टाग्राम हँडलवर एक व्हिडिओ शेअर केला आहे, ज्यामध्ये त्याने त्याच्या लग्नाबद्दल सांगितले आहे. गायक मिका सिंग लवकरच स्टार भारतच्या स्वयंवर-मिका दी वोहती या रिअॅलिटी शोमध्ये आपल्या जीवनसाथीचा शोध घेताना दिसणार आहे.
स्वयंवर दरम्यान, मिका सिंग स्वतःसाठी योग्य जीवनसाथी निवडताना दिसणार आहे, या शोमध्ये अनेक मुली स्वयंवरसाठी सहभागी होणार आहेत. त्याचबरोबर मिका सिंग स्वतः या शोचे प्रमोशन करत आहे.
महत्वाच्या बातम्या :
