सातारा: नगरपालिकेची निवडणूक जवळ येत आहे. त्यामुळे खासदार उदयनराजे भोसले (Udayan Raje Bhosle) आणि आमदार शिवेंद्रराजे भोसले (Shivendra Raje Bhosle) यांच्यात जोरदार आरोप-प्रत्यारोप पाहायला मिळत आहे. याच पार्श्वभूमीवर आता पुन्हा एकदा शिवेंद्रराजे भोसले यांनी उदयनराजे भोसले यांच्यावर टीका केली आहे.
खासदार उदयनराजे भोसले सध्या कोट्यवधींच्या विकासकामांची खोटी स्वप्ने दाखवत आहेत मात्र हा देखील विकास नुसता कागदावरच पाहायला मिळणार आहे. सातारा नगरपालिका ही भ्रष्टाचाराचे कुरण झालेली आहे, तिथं नुसत चरायच आणि आपले खिसे भरायचे एवढच झाले असल्याचा घणाघात आमदार शिवेंद्रराजेंनी खासदार उदयनराजेंवर केला आहे.
पुढे बोलताना शिवेंद्रराजे भोसले म्हणाले, निवडणूक जवळ आल्या की खासदार उदयनराजेंना इनोव्हेटिव्ह साताराचे स्वप्न पडते. वातावरण निर्मितीसाठी खासदार उदयनराजे भोसले नेहमीच स्टंटबाजी करून सातारकरांना विकासाची खोटी स्वप्न दाखवतात. त्यामुळे सातारकरांना त्यांच्या खोटेपणाची जाणीव झाल्याने त्यांना सातारा विकास आघाडीचा पराभव दिसू लागला आहे, असंही शिवेंद्रराजे भोसले म्हणाले.
महत्वाच्या बातम्या:
- “नाना पटोले नौटंकीबाज, …कॉंग्रेसनेच माफी मागावी”, देवेंद्र फडणवीसांची प्रतिक्रिया
- IPL AUCTION 2022: पंजाब किंग्सचा संघ करणार नव्याने सुरुवात!
- “शिवसेनेत सूड उगवण्याची नीच प्रवृत्ती…”अतुल भातखळकरांचे टीकास्त्र
- ‘भाजपचे साडेतीन लोक अनिल देशमुखांच्याच कोठडीत असतील’-संजय राऊत
- “…याला म्हणतात हात दाखवून अवलक्षण”, भातखळकरांचा हल्लाबोल
