मुंबई : शिवसेनेचे नाराज नेते सुभाष साबणे यांना शिवसेनेला रामराम करत भाजपमध्ये प्रवेश केला. साबणे यांना शिवसेनेतून बडतर्फ करण्याचा निर्णय झाला आहे. साबणे यांनी भाजपमध्ये गेल्यानंतर शिवसेनेने देगलूर पोटनिवडणूकीबाबत महत्वाचा निर्णय घेतला आहे.
देगलूरमध्ये महाविकास आघाडीचाच उमेदवार असेल. आघाडीच्या उमेदवाराचा शिवसेना प्रचार करेल, असं शिवसेनेचे खासदार अनिल देसाई यांनी सांगितलं आहे. अनिल देसाई यांनी मीडियाशी संवाद साधताना ही माहिती दिली.
शिवसेनेत बंडखोरी केलेले सुभाष साबणे यांना शिवसेनेत ना बडतर्फ करण्याचा निर्णय झालाय. पक्षप्रमुख मुख्यमंत्री उद्धव ठाकरे यांच्या नेतृत्वात नांदेड जिल्ह्यातील शिवसैनिकांचा दृढ विश्वास आहे. त्यामुळे महाविकास आघाडीचा उमेदवार नांदेडच्या पोटनिवडणुकीत निवडून येईल. शिवसैनिकानी शिवसेना भवनात येऊन तसा दृढ विश्वासच व्यक्त केला आहे, असं अनिल देसाई म्हणाले आहेत.
दरम्यान, उद्धव ठाकरे हे सज्जन आहेत त्यांना डावपेच माहीत नाहीत. काँग्रेस आणि राष्ट्रवादी काँग्रेस यात मास्टर झालेली लोक आहेत. पायातपाय घालण्यात आणि राजकारणात हे पीएचडी झालेली माणस आहेत. शिवसेनेचे यामुळे मोठं नुकसान आहे, असे गंभीर आरोप करत सुभाष साबणे यांनी शिवसेनेला जय महाराष्ट्र केला आहे.
महत्त्वाच्या बातम्या
- नगरमध्ये उपसरपंचाच्या जाचाला कंटाळून ग्रामसेवकाची आत्महत्या
- ‘शेतकऱ्यांवर आस्मानी संकट कोसळलेय, सुलतानी संकट टाळा’, पंकजा मुंडेंचे मुख्यमंत्र्यांना पत्र
- ‘काळजी करू नका, तुम्हाला मदत मिळवून देणारच’, फडणवीसांची शेतकऱ्यांना ग्वाही
- ‘अशोक चव्हाण यांनी नांदेडमध्ये शिवसेना संपविण्याचे काम केले’, सुभाष साबणेंचा आरोप
- ‘देशमुख व परमबीरपैकी एकाला ‘वर्षा’वर तर दुसऱ्याला ‘मातोश्री’वर लपवलेय!’, सोमय्यांचा गंभीर आरोप
