मुंबई : अभिनेता सुशांत सिंह राजपूत प्रकरणावरून गेल्या तीन महिन्यांपासून सुरू असलेल्या वादावर पडदा पडला आहे. एम्स हॉस्पिटलने सुशांतने आत्महत्याच केली असे शिक्कामोर्तब केले आहे. यानंतर महाविकास आघाडी सरकारवर आणि मुंबई पोलिसांच्या कामगिरीवर प्रश्न उभे करणाऱ्यांना शिवसेनेनं चांगलंच लक्ष्य केलं आहे.
शिवसेनेचे मुखपत्र असलेल्या सामनातून अभिनेत्री कंगना रानौत आणि बिहारचे माजी डीजीपी गुप्तेश्वर पांंडे यांच्यावर जोरदार आगपाखड केली आहे. तर काँग्रेसने देखील याआधीच एम्सच्या अहवालानंतर विरोधकांवर निशाणा साधला होता. सामनाच्या आजच्या अग्रलेखात रानौत आणि पांडे यांच्यासह त्यांच्या भूमिकेचे समर्थन करणाऱ्यांना टोला लगावला आहे.
यावर भाजप नेते निलेश राणे यांनी शिवसेनेवर पलटवार केला. ‘ SSR केसच्या AIIMS अहवालानंतर शिवसेना उड्या मारायला लागली, त्यांना वाटतं की केसचा निकाल लागला. बॉडी नसल्यामुळे फक्त उरल्यासुरल्या गोष्टींवर अहवाल द्यावा लागला. सीबीआयचा रिपोर्ट अजून बाकी आहे. अजून खूप काय बाकी आहे एवढ्या लवकर डीजे वाजऊ नका.’ अशी बोचरी टीका त्यांनी ट्विटरद्वारे केली आहे.
SSR केसच्या AIIMS अहवाला नंतर शिवसेना उड्या मारायला लागली, त्यांना वाटतं की केसचा निकाल लागला. बॉडी नसल्यामुळे फक्त उरल्यासुरल्या गोष्टींवर अहवाल द्यावा लागला. सीबीआयचा रिपोर्ट अजून बाकी आहे. अजून खूप काय बाकी आहे एवढ्या लवकर डीजे वाजऊ नका.
— Nilesh N Rane (@meNeeleshNRane) October 5, 2020
महत्वाच्या बातम्या :-
- …तर मी भाजपात प्रवेश करेन,बच्चू कडू यांनी दिले थेट मोदींना आव्हान
- ‘…त्या नटीबाई आता कोणत्या बिळात लपल्या आहेत?’ शिवसेनेचा कंगनावर जहरी घणाघात
- अखेर चांदोली अभयारण्यग्रस्त प्रकल्पग्रस्तांना रखडलेला उदरनिर्वाह भत्ता मिळाला
- मिशन बिगिन अगेन : रेस्टॉरंटस् आणि बार सुरु करण्याबाबत कार्यप्रणाली जाहीर
- लोकजनशक्ती पार्टी संस्थापक रामविलास पासवान यांची प्रकृती आणखी खालावली
