पटना- बिहार विधानसभा निवडणूक 2020 जाहीर झाली आहे. जागावाटपाचा तिढा सोडविण्यासाठी खलबत सुरु आहे. एनडीएचा घटक पक्ष असलेला लोकजनशक्ती पार्टी जागावाटपाच्या मुद्द्यावरुन चर्चा करत आहे. अशातच लोकजनशक्ती पार्टी संस्थापक रामविलास पासवान यांची प्रकृती बिघडल्याचे वृत्त आहे.
रामविलास पासवान यांची तब्येत दिवसेंदिवस खालावत चालली आहे. मागील बऱ्याच दिवसांपासून आजारी असलेल्या रामविलास पासवान यांची अचानक तब्येत खालावल्याने शनिवारी दिल्लीत त्यांची हार्ट सर्जरी केली. याबद्दलची माहिती त्यांचा मुलगा आणि पार्टीचे राष्ट्रीय अध्यक्ष चिराग पासवान यांनी दिली.
गेल्या काही दिवसांपासून रामविलास पासवान यांच्यावर रुग्नालयात उपचार सुरु होते. काल एकदम त्यांची तब्येत खूपच बिघडल्याने चिराग पासवान संसदीय बैठक सोडून गेले होते. रामविलास पासवान यांच्या प्रकृतीमध्ये सुधारणा व्हावी यासाठी डॉक्टर शर्थीचे प्रयत्न करत आहेत.
बिहार विधानसभा निवडणूक 2020 एनडीए आज जागावाटप जाहीर करण्याची शक्यता आहे. आजच्या जागावाटपात नीतीश कुमार यांचा जदयु बिग ब्रदर राहणार की वेगळ्य भूमिकेत दिसणार याबाबत उत्सुकता आहे. लोकजनशक्ती पक्षाच्या चिराग पासवान यांनी भूमिका स्पष्ट केल्यास एनडीएचे जागावाटप लवकर होऊ शकते असा अंदाज वर्तविण्यात येत आहे.
महत्वाच्या बातम्या :-
- महाराष्ट्राच्या औद्योगिक प्रगतीसाठी पवार सरसावले; अनिवासीय मराठी भारतीयांसोबत साधला संवाद
- मुंबई पोलिसांवर आणि महाविकास आघाडी सरकारवर आरोप करणारे आता तोंडघशी पडले’
- सुशांतसिंग प्रकरणात भाजपाचे षडयंत्र उघड; एसआयटी चौकशीची काँग्रेस मागणी
- ‘बागायतदार शेतकऱ्यांना ५० हजार प्रति हेक्टर तर कोरडवाहू शेतकऱ्यांना २५ हजार प्रति हेक्टरी मदत करा’
- सत्यमेव जयते : पार्थ पवार विरुद्ध रोहित शीतयुद्धाला सुरुवात ?
