परभणी तालुक्यातील सर्वात मोठी ग्रामपंचायत झरीवर शिवसेनेचे वर्चस्व

परभणी : तालुक्यातील सर्वात मोठी ग्रामपंचायत म्हणून ओळखल्या जाणाऱ्या झरी ग्रामपंचायतीवर शिवसेनेच्या गजाननराव देशमुख व डॉ. प्रमोदराव देशमुख यांच्या जनसेवा पॅनलने 17 पैकी 10 जागा जिंकून निर्विवाद वर्चस्व मिळविले आहे.

या पॅनेलमधून सुनील देशमुख, गोदावरी अंभुरे, ज्योती हेडगे, अशोक चोरमले, रेवती जगाडे, दादाराव देशमुख, राहिना इनामदार, केशर मठपती, आसिफ कुरेशी, रेश्मा गवळी हे उमेदवार विजयी झाले आहेत.

दुसरीकडे, राष्ट्रवादी काँग्रेस पक्षाचे माजी महानगर जिल्हाध्यक्ष स्वराजसिंह परिहार व दिलीपराव देशमुख यांच्या नेतृत्वाखाली शिवस्वराज्य पॅनलने 7 जागा जिंकल्या आहेत. या जागांवर सुमय्या इनामदार, जनाबाई नन्नावरे, दिलीपराव देशमुख, पूनम मठपती, अभिजित परिहार, कैलास रगडे, अस्मिता ढाले हे उमेदवार विजयी झाले आहेत.

अत्यंत चुरशीच्या झालेल्या या ग्रामपंचायत निवडणुकीत दिलीप देशमुख व मंगेशराव देशमुख सावंत या दोन सख्ख्या चुलत भावांत तगडी लढत झाली. या निवडणुकीत दिलीप देशमुख हे विजयी झाले आहेत.

महत्वाच्या बातम्या 

• जयंत पाटलांना सासुरवाडीने धोका दिला; म्हैसाळमध्ये राष्ट्रवादीचा दारुण पराभव !
• अणदूरमध्ये राणा जगजितसिंह पाटील यांना धक्का
• शेतकरी लाखोंचा पोशिंदा, मात्र केंद्र सरकार त्यांचा अपमान करतंय – अजित पवार
• ‘तांडव’ वेब सीरिजच्या अडचणीत आणखीन वाढ, आता लखनऊमध्ये गुन्हा दाखल!
• घासून नाय, तर विरोधकांची ठासून !, काकोळी ग्रामपंचायतवर फडकला मनसेचा झेंडा