मुंबई : राज ठाकरे यांची काल मंगळवारी ठाण्यात ‘उत्तर सभा’ झाली. यावेळी शरद पवार आणि राष्ट्रवादी काँग्रेस पक्षावर जोरदार टीका करताना राज ठाकरे म्हणाले, शरद पवार जेव्हा भाषण करतात तेव्हा ते फुले, शाहू, आंबेडकरांचा महाराष्ट्र असे म्हणतात. पण ते कधीही शिवरायांचा महाराष्ट्र असे म्हणत नाहीत.
या आरोपाला शरद पवार यांनी पत्रकार परिषद घेत प्रत्युत्तर दिले आहे. मी शिवरायांचं नाव घेत नाही हा आरोप खोटा आहे. माझं अमरावतीचं भाषण बघा, मी अमरावतीत २५ मिनिटे शिवरायांवर बोललो असे शरद पवार म्हणाले.
