९५ धावांची अपयशी झुंज देणाऱ्या सॅमच्या नावे विश्वविक्रमाची नोंद

पुणे : इंग्लंडविरुद्धच्या एकदिवसीय मालिकेतील आखेरचा सामना जिंकत भारताने कसोटी, टी-२० पाठोपाठ एकदिवसीय मालिकाही खिशात घातली आहे. एकदिवसीय मालिकेत भारताने इंग्लंडच्या संघाचा २-१ अशा फरकाने विजय मिळवला. आखेरच्या सामन्यात विजय जरी भारताचा झाला असला तरी चर्चा मात्र सॅम करनने दिलेल्या झुंजीची होती. सॅम करनने या सामन्यात केलेल्या नाबाद ९५ धावाच्या खेळीमुळेच भारताला शेवटच्या षटकापर्यंत संघर्ष करावा लागला.

या सामन्यात भारतीय संघाने इंग्लंडच्या संघासमोर ३३० धावांचे लक्ष्य ठेवले होते. प्रत्युत्तरात इंग्लंडचा संघ ३२२ धावापर्यंत मजल मारू शकला. इंग्लंडकडून या सामन्यात सॅम करनने आखेरच्या षटकापर्यंत विजयासाठी प्रयत्न केले. सॅम करनने या सामन्यात ९५ धावांची नाबाद खेळी करत एक विश्वविक्रम आपल्या नावे केला आहे. हा विक्रम करताना सॅमने ख्रिस वोक्सच्या विश्वविक्रमासोबत बरोबरी केली आहे.

भारतीय संघाने दिलेल्या आव्हानाचा पाठलाग करताना सॅम करनने ९ चौकार आणि ३ षटकारांच्या मदतीने ९५ धावंची खेळी केली. याबरोबरच त्याने एकदिवसीय क्रिकेटमध्ये आठव्या किंवा त्यापेक्षा खालच्या क्रमांकावर फलंदाजी करताना सर्वाधिक धावा करण्याच्या ख्रिस वोक्सच्या विश्वविक्रमाची बरोबरी केली आहे. २०१६ मध्ये ख्रिस वोक्सने श्रीलंकेविरुद्ध आठव्या क्रमांकावर खेळताना नाबाद ९५ धावांची खेळी साकारली होती. या यादीत दुसऱ्या क्रमांकावर आंद्रे रसल आहे. त्याने २०११ साली भारताविरुद्ध ९२ धावांची खेळी साकारली होती.

महत्वाच्या बातम्या

• मास्क नसेल तर पाचशे आणि विनाकारण फिरत असाल तर हजाराचा दंड
• निर्बंध पाळले जात नसतील तर लॉकडाऊनची तयारी करा; मुख्यमंत्र्यांचे प्रशासनाला निर्देश
• रंग बरसे भीगे चुनर वाली…! होळीच्या निमित्ताने अमिताभ बच्चन यांनी शेअर केला खास फोटो
• पत्नी नताशा आणि मुलगा अगस्त्य सोबत हार्दिकचा स्टाईलीश डान्स ; पहा व्हिडिओ
• शरद पवारांवर अँडोस्कोपी झाल्यानंतर शस्त्रक्रिया होणार; पुढील सर्व नियोजित कार्यक्रम रद्द