कोल्हापूर : स्वाभिमानी शेतकरी संघटनेचे नेते राजू शेट्टी सध्या आंदोलनाच्या माध्यमातून राज्य सरकारवर दबाव टाकत आहेत. यावर रयत क्रांती संघटनेचे अध्यक्ष सदाभाऊ खोत यांनी टीका केली आहे. लोकांची सहानुभूती मिळविण्यासाठी हा खटाटोप करत असल्याची टीका खोत यांनी राजू शेट्टी यांचे नाव न घेता केली. तीन टप्प्यात एफआरपी द्यावी ही आघाडी सरकारनेच शिफारस केली आहे. त्यामुळे हिंम्मत असेल तर तुमच्या आघाडीतील नेत्यांनाच एफआरपीचे तुकडे का केले याचा जाब विचारा. २०१९ प्रमाणे भरपाई देत नाहीत तर अशा सरकारमध्ये राहता कशाला बाहेर का पडत नाही, अशाही सवाल खोत यांनी केला.
तसेच सरकारबरोबरचे घटक पक्ष मगरीचे आसू दाखवत आहेत. ही नौटंकी बंद करावी. शेतकऱ्यांना न्याय मिळाला नाही म्हणून बाहेर पडलो, असे म्हणणारे आता काय चणे फुटाणे खाण्यासाठी तेथे थांबले आहेत, असा सवाल खोत यांनी विचारला आहे. तसेच सरकारमधून बाहेर पडून दाखवा, असे आव्हानच त्यांनी दिले आहे.
शिवाय एफआरपी एकरकमीच मिळाली पाहिजे. यासाठी विरोधी पक्षनेते देवेंद्र फडणवीस यांच्या नेतृत्त्वाखाली पंतप्रधान नरेंद्र मोदी यांना भेटून मागणी करणार आहे. एफआरपीचे तीन तुकडे होणार नाहीत. केंद्र सरकार ते करणार नाही. जे काही करेल ते राज्य सरकारकडूनच केले जाईल, अशी माहिती खोत यांनी दिली. ‘एफआरपीचे तुकडे कदापिही सहन केले जाणार नाही. एकरकमीच एफआरपी देण्याबाबत मोदी सरकारही सकारात्मक आहे. केंद्राने कोणतीही शिफारस केलेली नाही. याउलट महाविकास आघाडी सरकारच टप्पे पाडून एफआरपी देण्याच्या हालचालीत असल्याचा आरोप खोत यांनी केला.
महत्त्वाच्या बातम्या
- काल मुख्यमंत्र्यांचे सूचक विधान अन् आज जयंत पाटील आणि फडणवीस एकाच गाडीत
- राजकारणात कोणीही कायमचा मित्र किंवा शत्रू नसतो, काहीही चमत्कार होऊ शकतो – विखे
- ग्रामविकास मंत्री हसन मुश्रीफ रुग्णालयात; बॉम्बे हॉस्पिटलमध्ये सुरु आहेत उपचार
- पंजाब कॉंग्रेसमध्ये भूकंप; नेतृत्वाच्या बदलाच्या चर्चांना आले उधाण
- ‘मुख्यमंत्र्यांनी ‘ते’ विधान बीकेसीतील पूल दुर्घटनेवरून लक्ष हटवण्यासाठी दिले?’
