🕒 1 min read
मुंबई : मुकेश अंबानी यांच्या घराबाहेर जिलेटीन स्फोटकांच्या कांड्या असलेली स्कॉर्पिओ गाडी सापडली होती. यामुळे एकच खळबळ उडाली होती. यानंतर, स्कॉर्पिओ गाडीचे मालक मनसुख हिरेन यांचा संशयास्पद मृतदेह आढळून आला होता. यामुळे या प्रकरणाचे गूढ अधिकच वाढले होते. दरम्यान, या प्रकरणी सचिन वाझे याच्यावर संशय व्यक्त करण्यात आला होता. सबळ पुराव्यांनिशी त्यांना एनआयएने अटक केली होती.
आधी सचिन वाझे याची दोन दिवस कसून चौकशी करण्यात आली होती. यानंतर, १४ मार्च रोजी रात्री उशिरा एनआयएने वाझेला अटक केली. यानंतर, एनआयए कोर्टाने त्यांना एनआयए कोठडी सुनावली होती. ही कोठडी संपल्यानंतर २३ एप्रिल पर्यंत त्यांना न्यायालयीन कोठडी सुनावण्यात आली होती. याच काळात त्यांनी लिहिलेल्या पत्रामुळे खळबळ उडाली होती.
माजी गृहमंत्री अनिल देशमुख यांच्यासह शिवसेना नेते व परिवहन मंत्री अनिल परब यांच्यावर देखील त्यांनी खंडणीचा दबाव टाकल्याचा आरोप या पत्रातून केला होता. आता, वाझेच्या न्यायालयीन कोठडीत आगामी ५ मेपर्यंत वाढ करण्यात आली आहे. निलंबित पोलीस अधिकारी रियाझ काझी याला देखील ५ मे पर्यंत न्यायालयीन कोठडी सुनावण्यात आली असून एनआयएच्या विशेष न्यायालयात आज (२३ एप्रिल) रोजी सुनावणी घेण्यात आली आहे.
सचिन वाझेनी सुनावणी दरम्यान तीन मागण्यांसाठी अर्ज केला होता. यामध्ये त्यांनी आपल्या वकिलामार्फत एक पेन, कागद आणि कार्बन पेपर मिळावा असं म्हटलं होतं. मात्र, वाझे यांची ही मागणी न्यायालयाने फेटाळली आहे. यासोबतच, वैद्यकीय उपचारासंदर्भातली औषध मिळावी यासाठीसुद्धा वाझे यांनी दुसरा अर्ज केला होता. मात्र औषधांचे प्रिस्क्रिप्शन नसल्याने ते आधी जोडावे असा युक्तिवाद NIA च्या वकिलांनी केली आहे. दरम्यान, वाझेने दैनंदिन वापरात लागणारे साहित्य मिळावे अशीसुद्धा न्यायालयाकडे विनंती केली होती. तो अर्जदेखील न्यायालयाने फेटाळला आहे.
महत्वाच्या बातम्या
- पुणे सावरतंय ! सलग पाचव्या दिवशी कोरोनमुक्तांची संख्या अधिक, आता ‘ढिलाई’ नकोच
- कोरोना बाधितांनी घरीच उपचार घेण्याचे केंद्रीय आरोग्य मंत्र्यांचे आवाहन
- आजच्या सामन्यात कृणाल पांड्या दीपक हुडाच्या निशानावर; त्या अपमानाचा बदला घेण्याची शक्यता
- वेळीच काँग्रेस नेत्यांचे सल्ले ऐकले असते तर देशाचे स्मशान झाले नसते – पटोले
- कोरोनाच्या तणावात प्रशासनाचे जलपर्णीकडे दुर्लक्ष; इतर आजारांना मिळतंय खुलं निमंत्रण
बातम्यांसाठी YouTube चॅनेल Subscribe करा
Subscribe Now
