रोहित शर्मा फिटनेस टेस्टमध्ये पास, लवकरच टीम सोबत खेळताना दिसेल

🕒 1 min read

मुंबई : बंगळुरु येथे एनसीएमध्ये अनुभवी सलामीवीर रोहित शर्मानं फिटनेस चाचणी पास केली आहे. रोहित शर्मा तंदुरुस्त झाल्यामुळे भारतीय संघाची चिंता मिटली आहे. एएनआयनं याबाबतचं वृत्त दिलं आहे. शनिवारी, १२ तारखेला रोहित शर्मा ऑस्ट्रेलियासाठी रवाना होईल अशी शक्यता आहे. ऑस्ट्रेलियात रोहित १४ दिवसांच्या विलगीकरणात राहील.

ऑक्टोबर महिन्यात ‘आयपीएल’दरम्यान मांडीचे स्नायू ताणले गेल्यामुळे रोहितला काही साखळी सामन्यांना मुकावे लागले. त्यामुळेच रोहितची ऑस्ट्रेलियाविरुद्ध एकदिवसीय आणि ट्वेन्टी-२० मालिकेसाठी भारतीय संघात निवड करण्यात आली नाही. आता जवळपास एक महिना तंदुरुस्तीवर लक्ष दिल्यावर ‘एनसीए’चे प्रमुख राहुल द्रविड, फिजिओ आणि निवड समिती सदस्यांच्या मार्गदर्शनाखाली रोहितची चाचणी झाली. ही फिटनेस चाचणी रोहित शर्मा पास झाला आहे.

१४ दिवसांच्या विलगीकरणामुळे रोहित शर्मा पहिल्या दोन कसोटी सामन्याला मुकणार आहे. तिसऱ्या कसोटी सामन्यापासून रोहित शर्मा उपलब्ध असणार आहे. १७ डिसेंबरपासून पहिल्या कसोटी सामन्याला सुरुवात होणार असून भारतीय संघ पहिल्यांदाच परदेशात गुलाबी चेंडूवर सामना खेळणार आहे.

भारतीय संघाचा कर्णधार विराट कोहली हा सामना संपल्यानंतर भारतात परतण्याचा निर्णय घेतला आहे.  पहिल्या कसोटी सामन्यानंतर कर्णधार विराट कोहली ‘पॅटरनिटी’ लीव्हवर जाणार आहे.  त्यामुळे विराट कोहलीच्या अनुपस्थितीत रोहित शर्मावर आणि पुजारावर भारतीय संघाच्या फलंदाजी मदार असेल.  विराट कोहलीच्या अनुपस्थितीत अजिंक्य रहाणे संघाचं नेतृत्व करणार आहे.

Ind vs Aus: Rohit Sharma passes fitness test

Read @ANI Story | https://t.co/Qe6hbff8Mm pic.twitter.com/y8qdg1Vvtw

— ANI Digital (@ani_digital) December 11, 2020

महत्वाच्या बातम्या 

• शेतकरी आंदोलनामागे राजकीय पक्षांचा हात- नवनीत राणा
• मोठी बातमी : महामारी कायद्याखाली शेतकरी आंदोलकांवर गुन्हे दाखल
• गुड न्यूज : चक्क अहमदनगरमध्ये श्वानाचे बेबी शॉवर
• देशातील सर्वात मोठ्या मद्यनिर्मिती कंपनीच्या मुख्य कार्यकारी अध्यक्षपदी प्रथमच महिलेची वर्णी
• देशातील सर्वात मोठ्या मद्यनिर्मिती कंपनीच्या मुख्य कार्यकारी अध्यक्षपदी प्रथमच महिलेची वर्णी