शरद पवार यांच्या तोंडातील अल्सर काढला; तब्येत एकदम ठणठणीत

🕒 1 min read

मुंबई – पित्ताशयावर यशस्वी शस्त्रक्रिया झाल्यानंतर आदरणीय शरद पवार रुग्णालयात तपासणीसाठी गेले असता त्यांच्या तोंडात एक अल्सर आढळला असून तो काढण्यात आला असल्याची माहिती राष्ट्रवादी काँग्रेसचे राष्ट्रीय प्रवक्ते आणि अल्पसंख्याक मंत्री नवाब मलिक यांनी दिली.

नवाब मलिक यांनी एका ट्विटच्या माध्यमातून ही माहिती जाहीर केली आहे. सध्या राष्ट्रवादीचे प्रमुख शरद पवार हे हॉस्पिटलमध्येच दाखल असून ते पुरेशी विश्रांती घेत असल्याचेही नवाब मलिक यांनी स्पष्ट केले.

Post Gall Bladder surgery of our president Sharad Pawar saheb, a follow up visit & check up at hospital revealed an ulcer in his mouth which has been removed.
He is well & resting in hospital.
Saheb is taking stock of the pandemic situation daily & will resume his activities soon

— Nawab Malik نواب ملک नवाब मलिक (@nawabmalikncp) April 25, 2021

दरम्यान त्यांची तब्येत चांगली असून ते आता रुग्णालयात विश्रांती घेत आहेत.शिवाय देशभर पसरलेल्या कोरोनाच्या परिस्थितीचा आढावा घेत आहेत.ते लवकरच आपले कामकाज पुन्हा सुरू करतील असा विश्वास नवाब मलिक यांनी व्यक्त केला आहे.

शरद पवार यांना पित्ताशयाचा त्रास होऊ लागल्याने ३० मार्च रोजी त्यांच्या पित्ताशयातील खडे काढून टाकण्यात आले होते. त्यानंतर शरद पवारांची गॉल ब्लॅडरची शस्त्रक्रिया केली होती.

त्यानंतरच्या नियमित आरोग्याच्या पाठपुराव्यासाठीच शरद पवार हे ब्रीच कॅंडी हॉस्पिटलमध्ये आले होते. त्यावेळी त्यांच्या तोंडात अस्लर वाढल्याचे दिसून आले. त्यामुळेच तातडीने अस्लरवर शस्त्रक्रिया करून तो काढून टाकण्यात आला.

महत्त्वाच्या बातम्या      

• राज्यातील गरीब जनतेला मोफत लस मिळणार का ? अजित पवार म्हणाले…
• रा. स्व. संघ राष्ट्रद्रोही संघटना आहे का ? चंद्रकांत पाटील यांचा गृहमंत्र्यांना संतप्त सवाल
• …म्हणून अनिल देशमुख यांच्यामागे सीबीआय लावली आहे; जयंत पाटील यांचा अजब दावा
• राज्यात लसीकरण, रेमडेसिवीर इंजेक्शन्ससाठी महाराष्ट्र सरकार ग्लोबल टेंडर काढणार – अजित पवार
• पालकमंत्री मलिक यांना हटवण्याची प्रहार संघटनेनी मागणी, मुख्यमंत्र्यांकडे निवेदन