मुंबई : देशात कोरोनाची तिसरी लाट येण्याची दाट शक्यता असून दरदिवशी ६० ते ६५ हजार रुग्णांची नोंद होत आहे. याच पार्श्वभूमीवर ७० वर्षांपेक्षा अधिक वय असलेल्या कैद्यांची अंतरिम जामीन किंवा आपत्कालीन पॅरोलवर सुटका करण्याचे निर्देश केंद्रशासित प्रदेश आणि राज्यांना द्यावेत, अशी मागणी मेधा पाटकर यांनी जनहित याचिकेत केली आहे.
याचिकेत म्हटले की, कैद्यांच्या सुटकेचे निकष ठरवण्यासाठी उच्च न्यायालयाने राज्य आणि केंद्रशासित प्रदेशांना उच्चाधिकार समिती स्थापन करण्याचे निर्देश गेल्या वर्षी दिले होते. मात्र, ही समिती मृत्युदर जास्त असलेल्या कैद्यांच्या वृद्धावस्थेचा विचार न करता कायदा व सुव्यवस्था यांचा विचार करत आहे. तसेच उच्चाधिकार समितीचे निकष देशभर समान असायला हवे आहेत.
कारागृहे क्षमतेपेक्षा जास्त कैद्यांनी भरलेली
जागतिक आरोग्य संघटनेच्या आकडेवारीनुसार ६४ टक्के कोरोना रुग्ण हे २५ ते ६४ वर्षे वयोगटातील आहेत. २० वर्षे वयोगटातील व्यक्तींपेक्षा ७० वर्षे वयोगटातील व्यक्तींची रुग्णालयात दाखल होण्याची शक्यता ही वीसपट अधिक असते. तसेच ८८ टक्के मृत्यू हे ज्येष्ठ नागरिकांचे झाल्याचा लंडनच्या इम्पिरियल कॉलेजच्या अभ्यासाचा हवाला मेधा पाटकर यांनी याचिकेत दिला. कारागृहे क्षमतेपेक्षा जास्त कैद्यांनी भरलेली आहेत. यामुळे वृद्ध कैदी संसर्गाला बळी पडण्याची दाट शक्यता व्यक्त करण्यात आली.
महत्वाच्या बातम्या
- डब्ल्युटीसी फायनल! तिसऱ्या दिवशी न्युझीलंड २ बाद १०१
- ‘जडेजा-अश्विनची जोडी टीम इंडियासाठी ठरणार गेम चेंजर’ ; दिग्गज खेळाडूचा दावा
- ….त्या दिवशी क्रिकेट सोडून देईन, निवृत्तीवर अश्विनचे मोठे विधान
- दक्षिण अफ्रिकेविरुद्धच्या कसोटीत वेस्ट इंडिजसमोर विजयासाठी ३०९ धावांचे लक्ष्य
- …अन् विराट कोहली मैदानात करू लागला भांगडा , पाहा भन्नाट व्हिडीओ
