मोहम्मद शमीच्या जबरदस्त गोलंदाजीवर रवी शास्त्रींचं मोठं वक्तव्य

नवी दिल्ली : सेंच्युरियन कसोटी सामन्यात दक्षिण आफ्रिकेविरुद्ध मोहम्मद शमीच्या जबरदस्त गोलंदाजीवर भारतीय संघाचे माजी मुख्य प्रशिक्षक रवी शास्त्री (Ravi Shastri) यांनी मोठी प्रतिक्रिया दिली आहे. मोहम्मद शमीच्या (Mohammed Shami) शानदार गोलंदाजीबद्दल रवी शास्त्री यांनी त्याचे कौतुक केले आहे.

मोहम्मद शमीने दक्षिण आफ्रिकेविरुद्धच्या पहिल्या डावात पाच विकेट्स घेतल्या आणि त्याने कसोटी फॉरमॅटमध्ये 200 विकेट्सही पूर्ण केल्या. ही कामगिरी करणारा तो तिसरा भारतीय वेगवान गोलंदाज ठरला आहे. मोहम्मद शमीने 55 व्या सामन्यात 200 वा कसोटी बळी मिळवला. त्याचबरोबर भारताचा माजी कर्णधार कपिल देव त्याच्या पुढे आहे. कपिल देवने 50 व्या कसोटी सामन्यात हा आकडा गाठला होता.

रवी शास्त्रीने ट्विट करून मोहम्मद शमीचे या शानदार कामगिरीचे कौतुक केले आहे. त्यांनी आपल्या ट्विटमध्ये लिहिले, “शाबास बंगालचा सुलतान मोहम्मद शमी. पाहण्याचा आनंद घेतला. दोन दिवसांनी बिर्याणी. मेहनतीचे फळ.”

Shabash Sultan of Bengal @MdShami11. Dekh ke maza aah gaya. Biryani. Doh din ke baad. Mehnat ka Phal. God bless. #SAvIND #Shami #Shami200 pic.twitter.com/QGZ41g4bD7

— Ravi Shastri (@RaviShastriOfc) December 28, 2021

दक्षिण आफ्रिकेविरुद्धच्या सेंच्युरियन कसोटी सामन्यात भारतीय संघाने आपली स्थिती मजबूत केली आहे. तिसऱ्या दिवसानंतर भारताने दुसऱ्या डावात 16/1 धावा केल्या आहेत. तत्पूर्वी, दक्षिण आफ्रिकेचा पहिला डाव १९७ धावांत आटोपला. भारताची एकूण आघाडी १४६ धावांवर गेली आहे. क्रीजवर केएल राहुल ५ आणि शार्दुल ठाकूर ४ धावांवर नाबाद आहेत.

महत्त्वाच्या बातम्या

• तुमचं पत्र बदनामी करणारं; मुख्यमंत्र्यांच्या पत्रावर राज्यपाल कडाडले
• “अधिवेशनात सर्वात प्रभावी नेता, लोक म्हणतात फक्त दादा”, रुपाली पाटलांनी केले अजित पवारांचे कौतुक
• क्विंटन डी कॉक खेळणार नाही पुढील दोन कसोटी सामने; ‘हे’ आहे कारण
• …नाहीतर उपमुख्यमंत्री असे तोंडावर आपटले नसते; मनसेचा टोला
• ऋषभ पंतने मोडला महेंद्रसिंग धोनीचा ‘हा’ मोठा विक्रम