कोहलीला वनडे संघाच्या कर्णधारपदावरून हटवल्यानंतर रवी शास्त्रींची मोठी प्रतिक्रिया

🕒 1 min read

नवी दिल्ली : विराट कोहलीला वनडे संघाच्या कर्णधारपदावरून हटवल्यानंतर माजी मुख्य प्रशिक्षक रवी शास्त्री यांनी मोठे वक्तव्य केले आहे. रोहित शर्माला एकदिवसीय संघाचा कर्णधार बनवण्याच्या निर्णयाला त्याने योग्य ठरवले असून रोहित संघासाठी जे सर्वोत्तम आहे ते करतो असे सांगितले.

विराट कोहलीची वनडे संघाच्या कर्णधारपदावरून हकालपट्टी करण्यात आली असून त्याच्या जागी रोहित शर्माची वनडे संघाचा नवा कर्णधार म्हणून नियुक्ती करण्यात आली आहे. कोहलीने याआधीच टी-20 चे कर्णधारपद सोडले होते आणि आता त्याला वनडेच्या कर्णधारपदावरूनही हटवण्यात आले आहे.

आपल्या अधिकृत ट्विटर हँडलवरून केलेल्या ट्विटमध्ये, बीसीसीआयने लिहिले की,  भारतीय वरिष्ठ निवड समितीने रोहित शर्माला एकदिवसीय आणि टी20 कर्णधार म्हणून नामनिर्देशित करण्याचा निर्णय घेतला आहे.

The All-India Senior Selection Committee also decided to name Mr Rohit Sharma as the Captain of the ODI & T20I teams going forward.#TeamIndia | @ImRo45 pic.twitter.com/hcg92sPtCa

— BCCI (@BCCI) December 8, 2021

रोहित शर्मा नेहमी संघाच्या हिताचाच विचार करतो – रवी शास्त्री

रोहित शर्माला वनडेचे कर्णधारपद मिळाल्यावर रवी शास्त्रीने मोठी प्रतिक्रिया दिली आहे. एका वृत्तसंस्थेला दिलेल्या मुलाखतीत ते म्हणाले, रोहित शर्मा नेहमीच संघासाठी जे सर्वोत्तम आहे ते करतो. संघातील प्रत्येक खेळाडूचा तो पुरेपूर फायदा घेतो. रोहित आणि विराट कोहली हे एकदिवसीय आणि कसोटी या दोन्ही प्रकारचे महान खेळाडू आहेत. या संघाकडे सर्वोत्तम वेगवान गोलंदाजी आक्रमण आहे ज्याने ऑस्ट्रेलियाला त्यांच्याच घरी पराभूत केले.

विराट कोहली आणि रवी शास्त्री एकमेकांच्या खूप जवळ होते. 2017 च्या चॅम्पियन्स ट्रॉफी फायनलमधील पराभवानंतर कोहलीमुळेच रवी शास्त्री यांची प्रशिक्षकपदी नियुक्ती करण्यात आली होती आणि दोन्ही खेळाडूंनी एकमेकांचे खूप कौतुक केले होते. मात्र, रवी शास्त्रींचा कार्यकाळ पूर्ण झाल्यानंतर आता विराट कोहलीही केवळ एकाच फॉरमॅटमध्ये संघाचा कर्णधार राहिला आहे.

महत्वाच्या बातम्या:

• केवळ लष्करच नव्हे, तर अवघा देश या धक्कादायक घटनेमुळे हादरला आहे- राज ठाकरे
• बिपीन रावत यांच्या दुर्दैवी मृत्यूने संपूर्ण देश विषण्ण झाला- मुख्यमंत्री ठाकरे
• बिपीन रावत यांची संरक्षण क्षेत्रातील सेवा कायम लक्षात राहील- शरद पवार
• ‘त्यांच्या निधनामुळे मला…’, बिपीन रावत यांच्या निधनावर पंतप्रधान मोदींनी व्यक्त केला शोक
• …त्यांनी केलेली भारतमातेची सेवा राष्ट्र कायम स्मरणात ठेवेल- देवेंद्र फडणवीस