Ravi Rana । “दम दिला तर घरात घुसून…”; बच्चू कडूंच्या ‘त्या’ वक्तव्यावर रवी राणांचा पलटवार

🕒 1 min read

Ravi Rana । मुंबई : गेल्या काही दिवसांपासून रवी राणा (Ravi Rana) आणि बच्चू कडू (Bachhu Kadu) यांच्यात चांगलाच शाब्दिक हल्लाबोल सुरु आहे. राणा यांनी कडू यांच्यावर शिंदे गटासोबत गुवाहाटीला जाण्यासाठी ५० खोके घेतल्याचा आरोप केला होता. त्यानंतर बच्चू कडू यांनी पत्रकार परिषद घेत रवी राणा यांनी माझ्यावर केलेल्या आरोपाचे पुरावे द्यावेत, असे आव्हान दिले होते. मुख्यमंत्री आणि उपमुख्यमंत्री यांच्या मध्यस्थीनंतर बच्चू कडू-रवी राणा यांच्यातील वाद मिटला असल्याचे बोलले जात असतानाच बच्चू कडू यांनी पुन्हा एकदा रवी राणा यांना टोला लगावला.

पहिली वेळ आहे म्हणून माफ आहे. यापुढे काही कराल तर प्रहारचा वार काय असतो हे दाखवून देऊ, असा इशारा बच्चू कडू यांनी आमदार रवी राणा यांना नाव न घेता दिला. यावर आता रवी राणांनी प्रत्युत्तर दिलं आहे. ते म्हणाले, “हा वाद आता मिटला आहे. पण कोणी मला दम देत असेल, तर रवी राणाने उद्धव ठाकरें दम मोजला नाही. त्यामुळे बच्चू कडू माझ्यासाठी छोटा विषय असल्याची टीका रवी राणा यांनी केली.

पुढे ते म्हणाले, बच्चू कडू जर दम देऊन बोलत असेल, तर त्यांना जशास तसं उत्तर देण्यासाठी सक्षम आहे”, अशी प्रतिक्रिया रवी राणा यांनी दिली आहे. “प्रेमाच्या भाषेवर रवी राणा एकदा नाही, तर दहादा माघार घायला तयार आहे. पण कोणी दम देऊन बोलत असेल, तर त्याला घरात घुसून मारायचीपण हिंमत आहे”, अशा इशाराही त्यांनी बच्चू कडू यांना दिला.

काय म्हणाले बच्चू कडू?

रवी राणा यांच्यासोबत झालेल्या वादावर आपली भूमिका स्पष्ट करण्यासाठी आमदार बच्चू कडू यांनी आज कार्यकर्ता मेळाव्याचं आयोजन केलं होतं. तसेच या मेळाव्यात त्यांनी जोरदार शक्ती प्रदर्शनही केले. यावेळी त्यांनी आपली भूमिका देखील स्पष्ट केली. कोणी काय म्हटलं हा विषय महत्त्वाचा आहे. कारण अस्तित्वाचा आहे. कोणीही यावं आणि काहीही म्हणावं एवढे काय आम्ही स्वस्त नाहीये. पहिली वेळ आहे माफ आहे. आगे कुछ करेगा और कोईभी करेगा ना… मग प्रहारचा वार काय असतो हे तुम्हाला सांगू, असा इशारा देत त्यांनी रवी राणा यांचे कान टोचले आहेत. पुढे ते म्हणाले, आम्ही गांधीजींना मानतो. पण भगतसिंह आमच्या एवढ्या डोक्यात आहे की आमची कधी सटकते ते माहीतच पडत नाही. त्यामुळे त्याचाही विचार करा. आम्हीही अपशब्द बोलणार नाही. आम्हीही आचार संहिता पाळू. कुणाचं मन दुखावेल असं कधी करणार नाही. केवळ सरकारमध्ये आहे म्हणून मंत्रिपदासाठी करतोय असं नाही, असंही त्यांनी स्पष्ट केलं.

महत्वाच्या बातम्या :

• Aravind Sawant | अरविंद सावंतांचा शिंदे गटावर निशाणा; म्हणाले, “चाळीस आमदारांना गाडण्यासाठी…”
• Sushma Andhare | गुलाबराव पाटील गद्दारीचा शिक्का घेऊन फिरतात ; सुषमा अंधारेंचा घणाघात
• Sushma Andhare | बाळासाहेबांचे सच्चे शिवसैनिक तर गुवाहटीला जाण्याची गरज का पडली – सुषमा अंधारे
• IND vs BAN T20 | भारताचे विश्वचषकाच्या उपांत्य फेरीचे तिकीट पक्के ; बांगलादेशवर ५ धावांनी विजय
• Nana Patole | “कडू व राणांमध्ये हिश्श्याचं भांडण सुरूयं , ५० खोक्यांसाठी…”; नाना पटोलेंची सडकून टीका