राऊतांनी घेतली पवारांची भेट; राजकीय चर्चांना उधाण

मुंबई : आज शिवसेनेचे खासदार संजय राऊत हे राष्ट्रवादी काँग्रेसचे अध्यक्ष शरद पवार यांची भेट घेण्याकरिता थेट पवारांच्या मुंबईतील सिलव्हर ओक या निवासस्थानी पोहोचले आहेत. ही एक सदिच्छा भेट असल्याचे सांगण्यात येत असले तरी शरद पवार आणि संजय राऊतांचा महाविकास आघाडी सरकारमधील युती बांधून ठेवण्यामध्ये मोलाचा वाट आहे. त्यामुळे या भेटीमध्ये शासन आणि प्रशासनासंदर्भातील विषयांवर चर्चा होण्याची दाट शक्यता आहे. दरम्यान, दोघांच्या या अनपेक्षित भेटीमुळे राजकीय चर्चांना उधाण आले आहे.

शरद पवार यांच्यावर करण्यात आलेल्या टीकेवरुन राऊत यांनी मागील काही दिवसांपासून भाजपाच्या काही नेत्यांवर टीका केल्याचेही चित्र बघायला मिळाले. यामध्ये भाजपाचे प्रदेशाध्यक्ष चंद्रकांत पाटील यांनी पवारांचा एकेरी उल्लेख केल्याबद्दल राऊतांनी त्यांचे कान टोचले होते.

दरम्यान, दोन वर्षांपूर्वी राज्यामध्ये सत्ता स्थापनेच्या घडामोडी सुरु असताना सिलव्हर ओक आणि मातोश्रीवरुन सत्ता स्थापनेच्या चर्चा झाल्याचे पहायला मिळाले. त्यामुळेच सिलव्हर ओकमधील बैठकीत राऊत आणि पवारांमध्ये काय चर्चा होते याकडे अनेकांचे लक्ष लागले आहे.

महत्त्वाच्या बातम्या

• ‘ही वारी सरकारच्या ‘सब का साथ, सब का विकास या…’, पंतप्रधान मोदींचे प्रतिपादन
• मानहानीच्या याचिकेनंतर नवाब मलिक यांच्या विरोधात वानखेडेंच्या वडिलांची अजून एक तक्रार
• ‘…हा तर फुसका बॉम्ब’, राष्ट्रीय कार्यकारिणीच्या बैठकीवरून शिवसेनेचा हल्लाबोल
• ‘जे धोतरात कमावले ते लुगड्यात गमावले’, राऊतांचे टीकास्त्र
• भोपाळमधील कमला नेहरु रुग्णालयाच्या चिल्ड्रन्स वॉर्डला भीषण आग; चार बालकांचा मृत्यू