लखनऊ : उत्तर प्रदेशमध्ये विधान परिषद सभागृहाची डागडुजी करण्यात आली. यामध्ये काही स्वातंत्र्यसैनिकांच्या तसबिरींचा समावेश करण्यात आला. यात स्वातंत्र्यवीर सावरकर यांचीही तसबीर लावण्यात आली. मात्र, स्वातंत्र्यवीर सावरकर यांच्या तसबिरीवरून वाद निर्माण होण्याची शक्यता आहे.
दरम्यान, उत्तर प्रदेशचे मुख्यमंत्री योगी आदित्यनाथ यांनी विधान परिषदेतील ‘पिक्चर गॅलरी’चे उद्घाटन केले. याला समाजवादी पक्षाचे नेते अखिलेश यादव यांनीही विरोध दर्शवला आहे.
स्वातंत्र्यवीर सावरकर यांनी स्वतःची सुटका करून घेण्यासाठी इंग्रजांना पत्र लिहून माफी मागितली होती, हे संपूर्ण देशाला माहिती आहे. भाजपने इतिहास शिकण्याची गरज आहे. स्वातंत्र्यवीर सावरकरांची तसबीर लावणे म्हणजे स्वातंत्र्य सैनिकांचा अपमान आहे, अशी टीका यादव यांनी केली आहे.
दरम्यान, आता भाजप या मुद्द्यावरून नेमकी काय भूमिका घेणार याकडे लक्ष लागून राहिले आहे. दरम्यान, या मुद्द्यावरून आता महाराष्ट्रात देखील पडसाद पडण्याची शक्यता निर्माण झाली आहे.
महत्वाच्या बातम्या
- बार्शीत ग्रामपंचायत निवडणुकांमध्ये महाविकास आघाडीचा अपेक्षाभंग तर अपक्ष आमदाराचा करिष्मा !
- राज्य सरकारने राणेंची सुरक्षा काढून घेतली, मोदी सरकारने 12 कमांडोजची सुरक्षा पुरवली
- मराठा उमेदवारांची ‘ती’ नियुक्ती रद्द करण्यासाठी एमपीएससीची सर्वोच्च न्यायालयात धाव !
- ‘बाळासाहेबांचे पुत्र मुख्यमंत्री असताना औरंगाबादचं संभाजीनगर होत नाही हे दुर्दैव आहे’
- ‘महाविद्यालये सुरु करण्याबाबत शिक्षण खातं आणि मुख्यमंत्री यांच्यात कुठलाही समन्वय नाही
