औरंगाबाद : जगभरात कोरोनाच्या संकटावर मात करण्यासाठी सर्वजण प्रयत्न करत आहे. औरंगाबाद शहरात देखील कोरोना रुग्णांची संख्या अधिक आहे. सद्यस्थितीत जरी दिलासा मिळाला असला तरी येत्या काळात रुग्ण वाढू शकतात. या परिस्थितीत शहरवासीयांना मदत व्हावी या उदात्त हेतूने जागृत हनुमान संस्थान व दक्षिण केसरी मुनी मिश्रिलालजी महाराज हॉस्पिटल (डिकेएमएम) संयुक्तपणे मोफत कोविड सेंटर सुरू केले आहे. गुरूवारी (दि.२९) सतीश व्यास यांच्याहस्ते या सेंटरचा शुभारंभ झाला. या उपक्रमाचे समाजातील सर्व स्तरातून कौतुक होत आहे.
जागृत हनुमान ट्रस्टचे अध्यक्ष व उद्योजक सतीश व्यास यांनी गारखेडा भागात असलेल्या डिकेएमएम संस्थेचे हॉस्पिटल दत्तक घेतले आहे. कोरोनाच्या काळात आरोग्य यंत्रणेला मदत व्हावी, व गरजूंना मोफत उपचार मिळावा, हा शुद्ध हेतूने कल्पना आल्यानंतर त्यांनी पुढाकार घेतला. या रुग्णालयात ६ ऑक्सिजन बेड असून, १ एमडी डॉक्टर, २ डॉक्टर, ६ नर्स व इतर स्टाफ उपलब्ध असणार आहेत.
सद्यस्थितीत कोरोना झाल्यावर रुग्णाला अॅडमिट करणे, हॉस्पिटलमध्ये शिफ्ट करणे, बाहेरून औषधी नेऊन देणे, अंत्यसंस्कारासाठी परवानगी काढणे, बाहेरगावच्या रुग्णांच्या नातेवाइकांना जेवण घेणे यासाठी अडचणी येत आहेत. त्यामुळे या मोफत कोविड सेंटरचा गरजूंना मोठा दिलासा मिळणार आहे. येथे येणार्‍या सर्व रुग्णांची व नागरिकांची सतीश व्यास यांच्यावतीने चहा, नाश्ता, जेवण, दैनंदिन गरजेच्या वस्तू, उपचार मोफत देण्यात येईल. असे आवाहन सतीश व्यास, ताराचंदजी दुगर, दीपक व्यास यांनी केले आहे.
महत्त्वाच्या बातम्या
- बेपत्ता झालेल्या भोळसर महिलेला केले कुटुंबीयांच्या स्वाधीन
- ‘विदेशात लस दिल्याने आपल्याकडे कमतरता’, अजित पवारांचा मोदी सरकारवर निशाणा
- पंतप्रधान आपल्यातच व्यस्त राहिले आणि नागरिक गुदमरले, परदेशी माध्यमांची मोदींवर सडकून टीका
- कोरोनाच्या संकटसमयी संत निरंकारी मंडळाचा पुढाकार
- ‘जीएसटी’ संकलनात विक्रमी वाढ, ३ वर्षात पहिल्यांदाच १.४१ लाख कोटींवर
