🕒 1 min read
मुंबई : अंधेरी पोट निवडणुका अवघ्या काही दिवसांवर येऊन ठपल्या आहेत. एकनाथ शिंदे गट उद्धव ठाकरे गटाला अडचणीत आणत असल्याचा आरोप ठाकरे गटाकडून करण्यात आला आहे. तर मशाल चिन्हावर निवडणूक लढणार असणाऱ्या ऋतुजा लटके यांचा देखील राजीनामा अद्याप स्वीकारण्यात आलेला नाही. अशातच ठाकरे गटाने प्लॅन बी तयार ठेवला आहे. त्यानुसार लटकेंना राजीनामा न मिळाल्यास तीन नावांपैकी एकाला उमेदवारी मिळेल असं म्हटलं जातं आहे.
माजी महापौर विश्वनाथ महाडेश्वर, प्रमोद सावंत आणि कमलेश राय या तिघांपैकी एकाला अंधेरी पोट निवडणुकीसाठी उमेदवारी मिळू शकते. लटकेंचा राजीनाम्यासाठी प्रयत्न सुरु आहेत. मात्र, निर्णय जर ठाकरेंच्या विरोधात लागला तर या नावांपैकी एकाला उमेदवारी मिळेल.
प्रमोद सावंत हे अनिल परब आणि मातोश्रीच्या विश्वासातील असून त्यांनी शिवसेनेच्या अंधेरी पूर्व येथे संघटक म्हणून चोख पद्धतीने काम केलं आहे. विश्वनाथ महाडेश्वर यांना महापौर पदाचा चांगला अनुभव आहे. तर कमलेश राय हे उत्तर भारतीय असल्याने अंधेरी भागातील उत्तर भारतीय मतांचा ठाकरे गटाला फायदा होऊ शकतो.
मुंबई महापालिकेत ऋतुजा लटके कार्यरत आहेत. पोटनिवडणूक लढवण्यासाठी त्यांनी आपल्या शासकीय नोकरीचा राजीनामा दिला. मात्र अदयाप त्यांचा राजीनामा स्वीकार करण्यात आलेला नाही. त्यामुळे शिवसेनेतील नेत्यांची धावपळ सुरु होती. अशातच राजीनामा फेटाळल्याने शिवसेना उद्धव बाळासाहेब ठाकरे गट न्यायालयात धाव घेऊ शकतो.
निवडणुकीसाठी शिवसेना उद्धव बाळासाहेब ठाकरे (Shivsena Uddhav Balasaheb Thackeray) गटाकडून ऋतुजा लटके तर भाजपकडून माजी नगरसेवक मुरजी पटेल यांच्यात मुख्य लढत होणार आहे. मात्र, मुरजी पटेल माघार घेणार असल्याचं म्हटलं जातं आहे. पोटनिवडणुकीवरून राजकीय रणनीती पाहायला मिळत आहे.
महत्वाच्या बातम्या :
- T20 World Cup । शार्दुल ठाकूरचा T20 विश्वचषक स्पर्धेत समावेश, दीपक चहर स्पर्धेबाहेर
- Amol Mitkari । अब्दुल सत्तार आणि शहाजी बापू हे शिंदे गटाचे वाचाळवीर आहेत-अमोल मिटकरी
- Uddhav Thackeray | मी पुन्हा येईन! उद्धव ठाकरेंनी पुन्हा शिवसेनेचा मुख्यमंत्री बनणार असल्याची घेतली शपथ
- Uday Samant । निवडणूक आयोगाची लढाई सुरूच राहणार; उदय सामंत आक्रमक
- Aditya Thackeray । “शिंदेंच्या प्रकाराची कुजबूज तेव्हाच मिळाली होती”; आदित्य ठाकरे यांचा गौप्यस्फोट
बातम्यांसाठी YouTube चॅनेल Subscribe करा
Subscribe Now
