अहमदनगरमध्ये रुग्णांना बेड मिळेना; जिल्ह्यात कोरोना बाधित रुग्णांची संख्या 40 हजारांवर

🕒 1 min read

अहमदनगर/ऋषिकेश घोगरे:- अहमदनगर जिल्ह्यातील कोरोना बाधित रुग्णांचा आकडा दिवसेंदिवस वाढतच आहे. काल दिवसभरात जिल्ह्यात ७९० नवीन कोरोना बाधित रुग्ण आढळून आले आहे. आता अहमदनगर जिल्ह्यात एकूण कोरोना बाधित रुग्णांची संख्या ४० हजार ६५० एवढी झाली असून आत्तापर्यंत ३५ हजार ६४४ कोरोना बाधित रुग्णांनी कोरोनावर यशस्वी मात केली आहे. दरम्यान, जिल्ह्यात काल ८७५ रुग्णांना रुग्णालयातून डिस्चार्ज देण्यात आला. रुग्ण बरे होण्याचे जिल्ह्यातील प्रमाण हे आता ८७.६९ टक्के इतके झाले आहे. आत्तापर्यंत जिल्ह्यात ६६५ जणांचा कोरोनामुळे बळी गेला असून काल दिवसभरात कोरोनामुळे ९ जणांचा मृत्यू झाला आहे. रोज ८०० ते ९०० कोरोना बाधित रुग्ण वाढत असल्यामुळे जिल्ह्यातील खासगी रुग्णालये व कोविड सेंटर सध्या फुल आहेत.

जिल्हा रुग्णालयाच्या कोरोना टेस्ट लॅबमध्ये १४८, खासगी प्रयोगशाळेत केलेल्या तपासणीत २२३ आणि अँटीजेन चाचणीत ४१९ रुग्ण बाधीत आढळले. जिल्हा रुग्णालयाच्या कोरोना टेस्ट लॅबमध्ये बाधीत आढळून आलेल्या रुग्णामध्ये मनपा ७०, संगमनेर ३, पाथर्डी ४, नगर ग्रामीण ९, श्रीरामपूर २,  नेवासे १२, अकोले १७, राहुरी १, शेवगाव ३, कोपरगाव ६, कर्जत ५, मिलिटरी हॉस्पिटल १५ आणि इतर जिल्हा १ अशा रुग्णांचा समावेश आहे.

खासगी प्रयोगशाळेत केलेल्या तपासणीत बाधित आढळून आलेल्या रुग्णांमध्ये मनपा ७७, संगमनेर १६, राहाता १५, पाथर्डी १, नगर ग्रामीण २६, श्रीरामपुर १८, नेवासा १५, श्रीगोंदा ३, पारनेर १८, अकोले २, राहुरी १९, शेवगाव २, कोपरगाव १, जामखेड ६ आणि कर्जत ४ अशा रुग्णांचा समावेश आहे. तर अँटीजेन चाचणीत बाधित आढळून आलेल्या रुग्णांमध्ये मनपा १७, संगमनेर ७९, राहाता २७, पाथर्डी ४८, नगर ग्रामीण ६, श्रीरामपूर २१, कॅंटोन्मेंट ६, नेवासा ६, श्रीगोंदा २२, पारनेर १९, अकोले ४१, राहुरी १८, शेवगाव १२, कोपरगाव २८, जामखेड ३० आणि कर्जत ३९ अशा रुग्णांचा समावेश आहे.

महत्वाच्या बातम्या :-

• शहीद जवान नरेश बडोले यांना शासकीय इतमामात अखेरचा निरोप
• कांद्याच्या निर्यात बंदीने पाकिस्तानचा आर्थिक फायदा; सामनातून मोदी सरकारवर सडकून टीका
• पैसासाठी अडवणूक करणार्‍या खासगी रुग्णालयांवर कारवाईचा बडगा, राजेश टोपेंची प्रतिक्रिया
• चक्क कोरोनाबाधित रुग्णच शिरला आरोग्यमंत्र्यांच्या पत्रकार परिषदेत आणि मग…
• कृषी विधेयकाला विरोध करणाऱ्यांना भविष्यात पश्चाताप होईल- राम शिंदे