बीड : अहोरात्र राबून उदरनिर्वाह करणाऱ्या ऊसतोड कामगारांवर कुणापुढे हात पसरवण्याची वेळ येऊ देणार नाही.ऊसतोड मजुरांनी स्वाभिमानाने जीवन जगावे,तुमची नैतिक जवाबदारी माझी आहे अशा शब्दात भाजपच्या राष्ट्रीय सचिव पंकजा मुंडे यांनी पाडळी ता. शिरूर येथील जखमी ऊसतोड मजूर आणि त्यांच्या कुटुंबियांना मायेचा आधार दिला. या प्रसंगाने त्या कामगारालाही गहिवरून आले.
शिरूर तालुक्यातील पाडळी येथील ऊसतोड मजूर गणेश मिसाळ हे काही दिवसांपूर्वी प. महाराष्ट्रातील एका कारखान्यात अंगावर गेट कोसळून गंभीर जखमी झाले होते. भाजपच्या राष्ट्रीय सचिव आणि ऊसतोड मजुरांच्या नेत्या पंकजा मुंडे यांनी मिसाळ आणि त्यांच्या कुटुंबियांची भेट घेऊन त्यांच्याशी संवाद साधला व तब्येतीची आस्थेने विचारपूस केली.
यावेळी पंकजा मुंडे यांनी त्यांना धीर दिला. ऊसतोड मजूर हा माझ्या जिव्हाळ्याचा विषय आहे, तुम्ही खचून न जाऊ नका, मी कायम तुमच्या पाठीशी आहे असे म्हणत मिसाळ यांच्या वृद्ध पित्याच्या पाठीवर हात टाकून आधार दिला. ऊसतोड मजूर गणेशला उपचारासाठी तज्ज्ञ डॉक्टरांकडे दाखवून त्यांना पुन्हा एकदा त्यांच्या पायावर उभे करू असं सांगत त्यांच्या दोन्ही मुलांची जवाबदारी स्वीकारली.
यावेळी गणेशच्या वडिलांनी गोपीनाथ मुंडे यांच्या आठवणींना उजाळा देत आज पंकजाताईंच्या रुपात मुंडे साहेब आल्याची भावना व्यक्त करत त्यांना जेवणाचा आग्रह केला. पंकजाताई यांनी देखील जमिनीवर बसून चटणी – भाकरी खाल्ली. या प्रसंगाने उपस्थितही गहिवरून गेले.
महत्वाच्या बातम्या
- चंद्रकांतदादांना कोणी सांगितलं आम्हाला मुख्यमंत्रिपदाची स्वप्न पडली?; अजित पवारांचं प्रत्युत्तर
- सुजय विखे व राम शिंदे यांचे अखेर मनोमिलन; स्थानिक आमदारांसाठी धोक्याची घंटा?
- बाळासाहेबांनी जो नियम पाळला तो उद्धव ठाकरेंनी मोडला – चंद्रकांत पाटील
- २६ नोव्हेंबरच्या कामगार संघटनांच्या देशव्यापी बंदला काँग्रेस पक्षाचा पाठिंबा- बाळासाहेब थोरात
- ‘उद्धव ठाकरेंना कॉपी करूनही उत्तर देता येणार नाही’; चंद्रकांत पाटलांची मिश्किल टीका
