बीड : जिल्ह्यामध्ये रेमडेसिविर इंजेक्शनचा तुटवडा जाणवत आहेत. त्यामुळे माजी मंत्री आणि भाजप नेत्या पंकजा मुंडे यांनी आरोग्यमंत्री राजेश टोपे यांना इंजेक्शन उपलब्ध करून देण्यासंदर्भात पत्र पाठवले आहे. तसेच बीडच्या सत्ताधाऱ्यांना माफियांचे हित माहिती आहे, जनतेच्या हितासाठी आम्ही लढण्यास तयार असल्याचेही मुंडे यांनी म्हटले आहे. पंकजा मुंडे यांचा रोख धनंजय मुंडे यांच्याकडेच आहे, हे वेगळे सांगण्याची आवश्यकता नाही.
या संदर्भात पंकजा मुंडे यांनी आपल्या सोशल मीडियावर एक पोस्ट शेअर केली आहे. यामध्ये त्यांनी आरोग्य मंत्र्यांना पाठवलेल्या पत्राचाही समावेश आहे. तसेच पंकजा यांनी लिहिले की, ‘रेमडेसिविरचा तुटवडा बीडमध्ये जाणवत आहे, आरोग्य मंत्री यांना विनंती आहे जातीने लक्ष घालून उपलब्ध करून द्यावे. राज्य सरकारला आलेल्या २ लाख पैकी बीडला ही पुरेसे व्हॅक्सीन मिळाले पाहिजेत. बीडच्या सत्ताधाऱ्यांना माफियांचे हित माहिती आहे, जनतेच्या हितासाठी आम्ही लढण्यास तयार आहोत.’
#REMDESIVIR चा तुटवडा बीडमध्ये जाणवत आहे, आरोग्य मंत्री यांना विनंती आहे जातीने लक्ष घालून उपलब्ध करून द्यावे. राज्य सरकारला आलेल्या 2 लाख पैकी बीड ला ही पुरेसे #vaccine मिळाले पाहिजेत. बीडच्या सत्ताधाऱ्यांना माफियांचे हित माहिती आहे जनतेच्या हितासाठी आम्ही लढण्यास तयार आहोत. pic.twitter.com/30Bi8lu7mj
— Pankaja Gopinath Munde (@Pankajamunde) April 15, 2021
विधानसभा निवडणुकीत पराभव झाल्यानंतर पंकजा मुंडे आणि त्यांचा पराभव करणारे धनंजय मुंडे या दोघांमधील राजकीय संघर्ष नेहमीच पाहायला मिळतोय. कोरोनासारख्या संकटाच्या प्रसंगी देखील या पत्राच्या निमित्ताने पंकजा यांनी धनंजय यांना जोरदार टोला लगावला आहे.
महत्त्वाच्या बातम्या :
- पालघर प्रकरणातील साधूंना जोपर्यंत न्याय मिळत नाही तोपर्यंत आम्ही गप्प बसणार नाही – कदम
- पत्नी सोबत वेळ घालवता यावा म्हणून अनुपम खेर यांनी अमेरिकन सीरिजला ठोकला रामराम
- अनिल परब सेवाभावी मंत्री; सेवा आणि मेवा कुठे जातो याची चौकशी व्हावी ! – राणे
- तारक मेहताच्या सेटवर कोरोनाचा कहर ; 4 जण आले पॉझिटिव्ह
- उस्मानाबाद जिल्ह्यातील आरोग्य यंत्रणा ‘व्हेंटिलेटर’वर, रुग्णांसह नातेवाईकांची शर्थीची झुंज!
