🕒 1 min read
मुंबई: पाकिस्तान आणि ऑस्ट्रेलिया यांच्यात झालेला पहिला कसोटी सामना ड्रॉ झाल्यानंतर संघांवर मोठी टीका झाली होती. आता यात भर म्हणून ICC ने गुरुवारी रावळपिंडी येथील रावळपिंडी क्रिकेट स्टेडियमवर पाकिस्तान आणि ऑस्ट्रेलिया यांच्यातील पहिल्या कसोटीसाठी वापरण्यात आलेल्या खेळपट्टीला “सरासरीपेक्षा कमी” असे रेट केले आहे. आयसीसी खेळपट्टी आणि आऊटफिल्ड मॉनिटरिंग प्रक्रियेअंतर्गत या ठिकाणाला डिमेरिट पॉइंट देखील मिळाला आहे.
पाकिस्तान क्रिकेट बोर्ड (pcb) अध्यक्ष रमीझ राजा (ramiz raja) यांनी रावळपिंडी पीच प्रकरणांवर प्रतिक्रिया दिली आहे. “टाय टेस्ट ही टेस्ट क्रिकेटसाठी कधीही चांगली जाहिरात नसते आणि पाच दिवसांच्या क्रिकेटनंतर आम्हाला निकालाची गरज का आहे हे मला पूर्णपणे समजते. त्यामुळे मी काही मुद्दे स्पष्ट करू इच्छितो, मी पहिली गोष्ट अशी सुचवतो की आपल्याला पाकिस्तानमधील खेळपट्ट्यांची पूर्णपणे पुनर्रचना करणे आवश्यक आहे. तथापि, जेव्हा मी पदभार स्वीकारला तेव्हा सप्टेंबर महिना होता आणि हंगाम अजूनही जोरात चालू होता. ऑफ-सीझन दरम्यान, तुम्हाला दिसेल की आम्ही ऑस्ट्रेलियातून माती आयात केली आणि अनेक प्रकारच्या मातीवर प्रयोग केले. आमचा हंगाम मार्च आणि एप्रिलमध्ये संपताच, आम्ही पाकिस्तानला परत जाऊ आणि ५०-६० खेळपट्ट्या पुन्हा तयार करू.”
पाकिस्तान क्रिकेट बोर्डाने पोस्ट केलेल्या व्हिडिओत स्पष्टीकरण देताना त्यांनी पुढे सांगितले “मला चाहत्यांचा असंतोष समजतो आणि या कसोटी सामन्यातील विजय विलक्षण ठरला असता हे सुद्धा कळते. पण लक्षात ठेवा ही तीन सामन्यांची मालिका आहे आणि अजून भरपूर क्रिकेट खेळायचे आहे. आम्ही फक्त एक झटपट, बाउन्स असलेली पीच तयार करू शकत नाही आणि परिस्थिती ऑस्ट्रेलियाच्या हातात सोडू शकत नाही. जेव्हा आपण घरच्या मैदानावर खेळतो तेव्हा आपण आपल्या ताकदीनुसार खेळतो हे महत्त्वाचे असते.” दुसरा कसोटी सामना १२ मार्चपासून कराचीत सुरू होईल आणि मालिकेतील तिसरी आणि शेवटची कसोटी २१ मार्चपासून लाहोरमध्ये सुरू होईल.
महत्वाच्या बातम्या
- पाच राज्यांतील निकालांचा महाराष्ट्रावर काय परिणाम होणार?; शिवसेनेने म्हटले, “माकडांच्या हाती दारूची बाटली आल्यावर …”
- गोव्यात भाजपच्या विजयानंतर ; आज मुंबईत होणार फडणवीसांचे जल्लोषात स्वागत
- PAK vs AUS: पहिल्या कसोटी सामना झालेली रावळपिंडीची पिच आयसीसीकडून ‘सरासरीपेक्षा कमी’ म्हणून रेट!
- ‘केआरके’ खरंच देश सोडून जाणार का? नेटकाऱ्यांचा सवाल…
- “षडयंत्रकारींना तुम्ही धडा शिकवला…”- योगी आदित्यनाथ
