वाशिमः आमदार देवेंद्र भुयार यांची स्वाभिमानी शेतकरी संघटनेतून हकालपट्टी करण्यात आली. गेल्या अनेक दिवसांपासून संघटनेच्या कामकाजापासून दूर आहेत, त्यामुळे ही कारवाई झाली असल्याची माहिती आहे. आमदार देवेंद्र भोयर निवडून आल्यानंतर शेतकऱ्यांच्या कोणत्याही प्रश्नासाठी स्वाभिमानी शेतकरी संघटनेची बाजू घेतली नाही, असा आरोप राजू शेट्टी यांनी केला आहे.
कोणत्याही पक्षासोबत आघाडीत सामिल झाल्यावर अपयश हाती येतं, यावर बोलताना राजू शेट्टींनी खंत व्यक्त केली. म्हणाले, “आम्ही काही विशिष्ट हेतूनं काही अटींवर आघाड्यांमध्ये जात असतो. आघाडीमध्ये गेल्यानंतर जे सत्तेत येत असतात, त्यांना सत्तेची गुर्मी येते. मस्ती येते. त्यातून आमचेच कच्चे दुवे, आमचेच कच्चे मडके त्यांच्या हाताला लागतात ही दुर्दैवाने गोष्ट खरी आहे.
आणि यापूर्वीसुद्धा असेच घडले आहे. त्यामुळेच येत्या पाच तारखेला स्वाभिमानी शेतकरी संघटनेच्या राज्य कार्यकारिणीची बैठक होणार असल्याची माहिती दिली आहे. त्या बैठकीमध्ये आता भविष्यामध्ये अशा आघाड्या करायच्या की नाही करायच्या या संदर्भात निर्णय घेणार असल्याचे देखील सांगितले.
महत्वाच्या बातम्या –
