मुंबई : राष्ट्रवादीचे अध्यक्ष शरद पवार यांच्या घरावर झालेल्या हल्ल्यावरून शिवसेना नेते संजय राऊत यांनी भाजपवर जोरदार हल्ला केला आहे. संजय राऊत म्हणाले, पवारांच्या घरासमोर घडलेला प्रसंग हे आंदोलन नव्हते, हा हल्ला होता. या हल्ल्याचे समर्थन विरोधी पक्षातील लोक करत होते. विशेष म्हणजे राष्ट्रवादीतून भाजपमध्ये गेलेले नेतेच समर्थन करते होते. असा थेट आरोप राऊतांनी केला आहे.
तसेच संजय राऊत म्हणाले, एडवोकेट गुणरत्न सदावर्ते यांना भाजपचं पाठबळ आहे. तो कुणाच्या घरात राहतो, कुणाकडून त्याला आर्थिक पाठबळ दिले जाते हे समोर येत आहे. कालचा हल्ला हा त्यातलाच भाग होता. असा दावा थेट संजय राऊत यांनी केला आहे. राऊतांनी आज पवारांची घरी जाऊन भेट घेतल्यानंतर भाजपवर जोरदार हल्ला चढवला आहे.
काल ज्या भाजप नेत्यांनी प्रतिक्रिया दिल्या ते कालपर्यंत राष्ट्रवादीत होते. ते भाजपमध्ये गेले, पवारांविरोधात बोलत होते. हल्ल्याचं समर्थन करत होते. हा हलकटपणा आहे. पवारांनी मोठ केलं, तुम्ही काय मुळचे भाजपवाले आहात काय? असा प्रश्न देखील संजय राऊत यांनी केला आहे.
महत्वाच्या बातम्या –
