🕒 1 min read
औरंगाबाद : दुबईवरून शहरात आलेल्या तरुणाला ओमिक्रॉन विषाणूची बाधा झाल्याचे समोर आले होते. त्याच्यावर सध्या महापालिकेच्या मेल्ट्रॉन येथील कोविड केअर त्याच्यावर उपचार सुरू आहेत. १४ दिवसांनंतर रुग्णास घरी सोडण्यात यावे असा नियम असतांना दुबईवरून आलेला हा तरुण आपल्याला १० व्या दिवशीच घरी सोडण्यात यावे यासाठी हट्टाला पेटून बसल्याची माहिती सूत्रांनी दिली. त्यामुळे महापालिकेसमोर आणखीनच पेच निर्माण झाला आहे.
शहरात ओमिक्रॉन विषाणूची दोघांना बाधा घाल्याचे समोर आले आहे. शनिवारी (दि. २५) या दोघांचा जिनोम सिक्वेन्सिंगचा अहवाल पॉझिटिव्ह आला. यातील एकजण औरंगाबादमधील मुळ रहिवासी व सध्या इंग्लंडमध्ये स्थायिक असलेल्या कुटुंबातील आहे. त्यांची मुलगी मुंबईतच पॉझिटिव्ह आली होती तर वडील औरंगाबादला आल्यानंतर कोरोना पॉझिटिव्ह निघाले. दुसरा रुग्ण सिडको एन-७ येथील रहिवासी आहे.
तो दुबईहुन शहरात १७ डिसेंबरला शहरात आला. त्याचा जिनोम सिक्वेन्सिंगचा अहवाल पॉझिटिव्ह आल्यानंतर महापालिकेच्या मेल्ट्रॉन येथील कोविड केअर सेंटरमध्ये दाखल करण्यात आले होते. अहवाल पॉझिटिव्ह आल्यानंतर आज त्याचा दहावा दिवस होता. पण गेल्या दोन दिवसांपासून तो सुटीसाठी प्रशासनावर दबाव आणत आहे. कुठलेही तीव्र लक्षणे नसताना, हॉस्पिटलमध्ये ठेवताच कशाला? मी घरी विलगीकरणात राहतो, असे सांगून त्याने डॉक्टरांना भांडवून सोडले असल्याचे सूत्रांनी सांगितले.
महत्त्वाच्या बातम्या
- तुमचं पत्र बदनामी करणारं; मुख्यमंत्र्यांच्या पत्रावर राज्यपाल कडाडले
- “अधिवेशनात सर्वात प्रभावी नेता, लोक म्हणतात फक्त दादा”, रुपाली पाटलांनी केले अजित पवारांचे कौतुक
- क्विंटन डी कॉक खेळणार नाही पुढील दोन कसोटी सामने; ‘हे’ आहे कारण
- …नाहीतर उपमुख्यमंत्री असे तोंडावर आपटले नसते; मनसेचा टोला
- ऋषभ पंतने मोडला महेंद्रसिंग धोनीचा ‘हा’ मोठा विक्रम
