मुंबई : राज्यात काेरोना रुग्ण संख्येत होत असलेली वाढ पाहता, राज्यात ऑक्सिजन पुरवठा कमी पडत आहे. ऑक्सिजन पुरवठा झाला नसल्याने राज्यातील अनेक भागात रुग्णांचा मृत्यू होत असल्याच्या बातम्या देखील येत आहे. या पार्श्वभूमीवर आता राज्य सरकार गुजरातमधील रिलायन्सच्या प्रकल्पातून अतिरीक्त ऑक्सिजन आयात करणार आहे. नगरविकास मंत्री एकनाथ शिंदे यांनी या बाबतची माहिती दिली आहे.
या संदर्भात एकनाथ शिंदे यांनी सोशल मीडियाच्या माध्यमातून माहिती दिली आहे. यामध्ये शिंदे यांनी म्हटले आहे की, ‘रिलायन्सच्या जामनगर प्लँट मधून महाराष्ट्रासाठी १०० मेट्रिक टन अतिरिक्त ऑक्सिजन पुरवठा होणार. विभागीय आयुक्त, रायगड व ठाणे जिल्हाधिकारी आणि एफडीए आयुक्त यांची समन्वय समिती ऑक्सिजन पुरवठ्याबाबत समन्वयाचे काम करेल.’
रिलायन्स च्या जामनगर प्लँट मधून महाराष्ट्रासाठी १०० मेट्रिक टन अतिरिक्त ऑक्सिजन पुरवठा होणार.
विभागीय आयुक्त, रायगड व ठाणे जिल्हाधिकारी आणि एफडीए आयुक्त यांची समन्वय समिती ऑक्सिजन पुरवठ्याबाबत समन्वयाचे काम करेल.
— Eknath Shinde – एकनाथ शिंदे (@mieknathshinde) April 13, 2021
मुख्यमंत्री उद्धव ठाकरे यांनी देखील राज्यातील ऑक्सिजनची मागणी पूर्ण करण्यासाठी केंद्राकडे मदत मागणार असल्याचे सांगितले होते. मात्र, विरोधी पक्षाने ही मदत आधीच का मागितली नाही? असा प्रश्न उपस्थित केला आहे. आता गुजरातमधील प्रकल्पातून राज्याला अतिरीक्त ऑक्सिजन मिळणार आहे. त्यामुळे कोरोना रुग्णांना थोडाफार दिलासा मिळेल.
महत्त्वाच्या बातम्या :
- नांदेड जिल्ह्यामध्ये मोबाईल व्हॅनव्दारे लसीकरणासह कोरोनाची चाचणी
- माजी गृहमंत्री अनिल देशमुख अखेर सीबीआय समोर हजर, चौकशी सुरु
- कोरोनाच्या दुसऱ्या लाटेत मुडिजच्या अंदाजामुळे भारतीय अर्थव्यवस्थेला दिलासा
- कोरोनाचा कहर : उपराष्ट्रपती आणि पंतप्रधान आज विविध राज्यांच्या राज्यपालांशी संवाद साधणार
- ‘माझी मैना गावावर राहिली’, अण्णाभाऊंच्या गीताचे विडंबन; अजय-अतुल विरोधात परभणीत तक्रा
