RCB संघात निवड न झाल्याने  क्रिकेटपटूने नाही तर ‘या’ फुटबॉलरने व्यक्त केली नाराजी

🕒 1 min read

मुंबई : नुकतेच आयपीएलच्या १४ व्या हंगामाचे बिगुल वाजले आहेत. बुधवारी (२० जानेवारी) सर्व आयपीएल फ्रँचायझींनी आयपीएल २०२१ च्या हंगामाच्या लिलावाआधी संघात कायम केलेल्या आणि संघातून मुक्त केलेल्या खेळाडूंची यादी जाहीर केली आहे. त्यानंतर सोशल मीडियावर अनेक प्रकारच्या प्रतिक्रिया उमटू लागल्या  इंग्लंडचा स्टार फुटबॉलपटू हॅरी केनने देखील प्रतिक्रिया दिली आहे.

यंदा आयपीएलच्या हंगामासाठी विराट कोहली कर्णधार असलेल्या रॉयल चॅलेंजर्स बेंगलोर संघाने लिलावाआधी केवळ १२ खेळाडूंना संघात कायम केले आहे, तर एकूण १० खेळाडूंची संघातून मुक्त करण्यात आले आहे. याबाबत आरसीबीने ट्विटरवर पोस्ट केल्यानंतर हॅरी केनने गमतीशीर प्रतिक्रिया दिली आहे.

हॅरी केनने रॉयल चॅलेंजर्स बेंगलोर संघात निवड न झाल्याने दुःखी झाला आहे. हॅरी केन म्हणाला, आपली  ‘संघान निवड न झाल्याने थोडा नाराज झालो. पण आता काही करु शकत नाही. तुम्हाला मी यानंतरही प्रोत्साहन देत राहिल.’

Bit disappointed not to be selected but nothing I can do now. Will still be cheering the boys on ???????????? https://t.co/Jq17o1m3aO

— Harry Kane (@HKane) January 20, 2021

खरंतर हॅरी केन हा फुटबॉलपटू जरी असला तरी तो क्रिकेटचा देखील चाहता आहे. तसेच तो भारतीय संघाचा प्रशंसकही आहे. त्याच्यात आणि भारतीय संघाचा नियमित कर्णधार विराट कोहलीमध्ये चांगली मैत्री देखील आहे. त्यामुळे त्याने काही महिन्यांपूर्वी स्वत: क्रिकेट खेळत असतानाचा व्हिडिओ पोस्ट करत त्याला आरसीबी संघात घेण्याबद्दल मजेने विचारले होते. त्यावर विराटने उत्तर दिले होते की ‘छान खेळलास मित्रा, तू काऊंटर ऍटॅकींग फलंदाज म्हणून खेळू शकतोस.’

महत्वाच्या बातम्या 

• भाजप सुशांत सिंहच्या आत्म्याला मोक्ष मिळू देत नाही- सचिन सावंत 
• ‘अर्णब गोस्वामीसारखं आपल्या लष्करातल्या जवानानं केलं असतं तर त्याचं कोर्ट मार्शल केलं असतं’
• महाराष्ट्राच्या इतिहासात विनायक मेटेंसारखा महाखोटारडा नेता झाला नसेल : कॉंग्रेस
• धोनी सोबत तुलना केल्यावर पंत म्हणाला….
• ‘अजितदादांचा जयंत पाटील मुख्यमंत्री व्हावे, यासाठी पाठिंबा असेल तर आमचा पाठिंबा नसण्याचे कारण नाही’