संतांचे केवळ दर्शन पुरेसे नाही, त्यांचे विचारही जगावेत-पंकजा मुंडे

बीड : गहिनीनाथ गडाची एक भक्त म्हणून दरवर्षी दर्शनासाठी गडावर येत असते. यात कधीही खंड पडू दिला नाही. संतांचे केवळ दर्शन पुरेसे नाही, त्यांचे विचारही जगावे लागतात. वामनभाऊंचे विचार दैनंदिन जीवनात आचरणात आणून कर्म केले तर पुण्य लाभते, अशा भावना भाजप नेत्या पंकजा मुंडे यांनी व्यक्त केल्या आहेत.

पंकजा मुंडे यांनी वारकरी सांप्रदायातील थोर संत वैराग्यमूर्ती सद्गुरू वामनभाऊ महाराज यांच्या पुण्यतिथी सोहळ्यानिमित्त गहिनीनाथ गडावर उपस्थित लावली. यावेळी त्यांनी वामनभाऊ महाराजांचे आशीर्वाद घेतले. यावेळी आयोजित कार्यक्रमात त्यांनी आपल्या भावना व्यक्त केल्या. त्या म्हणाल्या, पालकमंत्री असताना सत्तेच्या माध्यमातून गहिनीनाथ गडाच्या विकासासाठी योगदान दिले. गडाची भक्त म्हणून यापुढेही योगदान देत राहू. गहिनीनाथ गडाची एक भक्त म्हणून दरवर्षी दर्शनासाठी गडावर येत असते. यात कधीही खंड पडू दिला नाही.

यावेळी गहिनीनाथ गडाचे महंत ह.भ.प. विठ्ठल महाराज शास्त्री, खा. प्रीतम मुंडे, पालकमंत्री धनजंय मुंडे, आ. बाळासाहेब आजबे, माजी मंत्री जयदत्त क्षीरसागर, बजरंग सोनवणे, साहेबराव दरेकर, भीमराव धोंडे, सतिष शिंदे, जयदत्त धस यांच्यासह गडाचे वारकरी – टाळकरी व परिसरातील नागरिक मोठ्या संख्येने उपस्थित होते.

महत्वाच्या बातम्या 

• काँग्रेसवाल्यांनी रामाचे नाव न घेतलेले बरे; भाजप नेत्याचा प्रहार
• कॉंग्रेस ‘प्रदेशाध्यक्ष’ पदी नाना पटोले यांची वर्णी
• मराठा आरक्षणासाठी केंद्राने संवैधानिक तरतूद करावी ! अशोक चव्हाणांची केंद्राला गळ
• ‘तेव्हा सेलिब्रिटींना शेतकऱ्यांची आठवण झाली नाही का ? ज्यांचं सर्मथन करताय त्यांनाच समजवा’
• …अन अजितदादा आर आर आबांच्या आठवणीने गहिवरले !