“भाजपला कोणीही घाबरत नाही”, संजय राऊतांचे टीकास्त्र

मुंबई : काल (१७ मार्च) राष्ट्रवादी काँग्रेसचे सर्वेसर्वा शरद पवार (Sharad Pawar) यांनी राज्यात भाजपला पुन्हा येऊ देणार नाही, असे वक्तव्य केले होते. दरम्यान, शरद पवारांच्या या वक्तव्यावर आता शिवसेना खासदार संजय राऊत (Sanjay Raut) यांनी प्रतिक्रिया दिली आहे. तसेच भाजपला कोणीही घाबरत नाही, असेही राऊत म्हणाले आहेत.

यासंदर्भात प्रसार माध्यमांशी संवाद साधत असतांना संजय राऊत म्हणाले की,‘भाजपला कोणीही घाबरत नाही. जर भाजप केंद्रीय तपास यंत्रणा, खोटे आरोप, चिखलफेक करुन महाविकास आघाडीचे आमदार, खासदार, नेते यांचे मनोबल खाली आणण्याचा प्रयत्न करत असतील तर ते चुकीचे आहे.’ तसेच शरद पवार यांनी जो विश्वास दिला आहे की, घाबरु नका मी भाजपा पुन्हा महाराष्ट्रात येऊ देणार नाही ही फक्त राष्ट्रवादी काँग्रेस नाही तर महाविकास आघाडीच्या वतीनेही त्यांनी भूमिका मांडली आहे, असेही राऊत म्हणाले.

दरम्यान, पवार आणि महाविकास आघाडीच्या आमदारांची सिल्वर ओकवर बैठक झाली. ही बैठक जवळपास दोन तास चालली. बैठक संपून आमदार निघण्याच्या तयारीत असताना शरद पवार उभे राहिले. ‘त्यांनी आपले दोन्ही हात वर करीत आणि वज्रमूठ तयार करून, घाबरायचे काही कारण नाही. मी भाजपला पुन्हा राज्यात येऊ देत नाही,’ असा आत्मविश्वास व्यक्त केला.

महत्वाच्या बातम्या 

• शोएब अख्तरचे सेहवागबाबत धक्कादायक वक्तव्य; म्हणाला “मैं एक दिन बोहोत मारुंगा”
• ‘द कश्मीर फाइल्स’ पाहिल्यानंतर मोहन भागवतांची प्रतिक्रिया…
• होळीच्या निमित्ताने धोनीकडून रांचीतील लोकांना विशेष भेट; चाहते सुखावले!
• सोलापूरच्या शहिद जवान रामेश्वर काकडेंवर शासकीय इतमामात अंत्यसंस्कार!
• देवेंद्र फडणवीसांच्या दाव्यावर संजय राऊतांची प्रतिक्रिया; म्हणाले, “पोर्तुगीज आणि इंग्रजांनाही…”