ना कॉल, ना ओटीपीची मागणी; थेट खात्यातून ९३ हजार काढत कंपनीतील अधिकाऱ्याला गंडा

औरंगाबाद : ना कॉल , ना ओटीपीची मागणी करता, क्रेडिट कार्डवरुन दोन ऑनलाईन पेमेंट करणाऱ्या ऍपद्वारे परस्पर ९३ हजार ५२५ रुपये लंपास झाले आहे. अनूप श्रोत्रीय (५०) असे फसवणूक झालेल्या एका कंपनीतील अधिकाऱ्याचे नाव आहे. याप्रकरणी मुकूंदवाडी पोलिस ठाण्यात गुन्हा दाखल करण्यात आला आहे.

माछर इंडस्ट्री मध्ये चिफ फायनान्सीयल ऑफिसर असलेल्या श्रोत्रीय यांना ११ मे रोजी दुपारी त्यांच्या मोबाईलवर बँकेचे मेसेज प्राप्त झाले. साधारण पाच सलग आलेल्या मेसेज मध्ये त्यांच्या बँकेच्या क्रेडिट कार्ड खात्यातून फ्रिचार्ज व मोबीक्विक या दोन ऍपवर पैसे वळते झाल्याचा उल्लेख होता. अवघ्या पाच मिनिटांमध्ये सायबर गुन्हेगारांनी पहिल्या टप्प्यात ८ हजार २९६ रुपये, दुसऱ्या टप्प्यात ४७ हजार ८९२ रुपये, तीसऱ्या टप्प्यात ८ हजार २९६ रुपये, चौथ्या टप्प्यात ८ हजार २९६ तर शेवटी ८ हजार २९६ रुपये वळते झाले.

या सर्व प्रक्रियेदरम्यान किंवा आधी मला कुठलाही कॉल आला नाही तसेच मी कोणाला कुठलाही ओटिपी शेअर केलेला नसल्याचा दावा श्रोत्री यांनी तक्रारीत केला आहे. घटनेनंतर त्यांनी तत्काळ बँकेशी संपर्क साधत याप्रकरणी तक्रार दाखल केली. परंतू तरीही ८ जून राेजी त्यांना क्रेडिट कार्डचे बील मिळाले. त्यानंतर त्यांनी मुकूंदवाडी पाेलिसांकडे तक्रार दिली. पोलिस निरीक्षक सुधाकर बावकर अधिक तपास करत आहेत.

महत्वाच्या बातम्या

• ‘अश्विन आणि जाडेजा या दोघांनाही खेळवावे’ : सुनील गावस्कर
• दोन आठवड्यात मेल्ट्रॉन कोविड केअर सेंटरमध्ये उभा राहणार ऑक्सिजन प्लांट!
• ‘….तर राष्ट्रवादी आणि शिवसेनेला महाराष्ट्र हिताचा विचार करून एकत्र लढावेच लागेल’
• दानवे म्हणाले, ‘संजय राऊत चावी दिल्यावर बोलतात’; आता राऊतांच सडेतोड प्रत्युत्तर !
• काळी, सफेद, पिवळ्या बुरशीनंतर आता ‘या’ राज्यात हिरव्या बुरशीचा रुग्ण