सिंधुदुर्ग : राज्यात कोरोनाच्या दुसऱ्या लाटेने हाहाकार माजवला आहे. पहिल्या लाटेपेक्षा कोरोनाच्या दुसऱ्या लाटेत रुग्णसंख्या ही अधिक असल्याचे नोंदवण्यात आले आहे. रुग्णांच्या उपचारासाठी व विलगीकरणासाठी ठिकठिकाणी जम्बो कोविड केअर सेंटर्स उभारले आहेत. अशाच एका कोविड सेंटरमध्ये राष्ट्रवादी काँग्रेसचे आमदार रोहित पवार हे ‘झिंगाट’ गाण्यावर रुग्णांसोबत थिरकतानाचा व्हिडीओ व्हायरल झाला आहे.
कर्जत जामखेड एकात्मिक विकास संस्थेच्या माध्यमातून उभारण्यात आलेल्या कर्जत तालुक्यातील गायकरवाडी येथील कोविड केअर सेंटरला रोहित पवार यांनी सोमवारी भेट दिली. रुग्णांचे मनोबल वाढावे, तसेच त्यांना मनोरंजन म्हणून गायनाचा कार्यक्रम आयोजित करण्यात आला होता. यावेळी रोहित पवार हे रुग्णांच्या चेहऱ्यावरील निराशा दूर करण्यासाठी रुग्णांसोबत सहभागी होत झिंगाट गाण्यावर ठेका धरल्याचे दिसून आले. मात्र, यावेळी कोरोना नियमांचे उल्लंघन भाजपमधील नेत्यांनी हल्लाबोल केला आहे.
आता, भाजप नेते निलेश राणे यांनी रोहित पवार यांच्यावर टीका करतानाच राष्ट्रवादी काँग्रेसचे अध्यक्ष शरद पवार यांच्यावर देखील बोचरी टिप्पणी केली आहे. ‘आजोबांनी आयपीएल आणून चीअरलीडर्स नाचवल्या, नातू कोविड सेंटर मध्ये नाचतो. स्वतःची बाजू घेण्यासाठी सांगतो की मी नेहमी जाऊन सेंटर मध्ये नाचतो. नाचा, जेवढं नाचायचं तेवढं २०२४ पर्यंत नाचून घ्या,’ असा प्रहार निलेश राणे यांनी केला आहे.
आजोबांनी आयपीएल आणून चीअरलीडर्स नाचवल्या, नातू कोविड सेंटर मध्ये नाचतो. स्वतःची बाजू घेण्यासाठी सांगतो की मी नेहमी जाऊन सेंटर मध्ये नाचतो. नाचा, जेवढं नाचायचं तेवढं २०२४ पर्यंत नाचून घ्या. pic.twitter.com/MRAwActEiz
— Nilesh N Rane (@meNeeleshNRane) May 26, 2021
महत्त्वाच्या बातम्या
- मराठा समाज आज रस्त्यावर उतरला नाही तर वेळ निघून जाईल; चंद्रकांत पाटलांचा इशारा
- पुनावालांचे देशासाठी भरीव योगदान, त्यांना धमक्या येणं हे गंभीर; तातडीने दखल घ्या : उच्च न्यायालय
- महाविकास आघाडीचे सरकार पडणार ही खरंच अफवा असेल तर…; राणेंच्या विधानाने खळबळ
- ‘भाजप ऐकत नसेल तर संभाजीराजेंनी खासदारकीचा राजीनामा द्यावा’, हर्षवर्धन जाधव यांचा सल्ला
- ‘त्या’ शिक्षिकेचं मुख्यमंत्री ठाकरेंकडे मदतीसाठी आर्जव; तर राज ठाकरेंनी दिला तत्परतेनं मदतीचा शब्द !
