🕒 1 min read
मुंबई : एकीकडे खरी शिवसेना कुणाची? मुख्यमंत्री एकनाथ शिंदेंची कि शिवसेना प्रमुख उद्धव ठाकरे यांची हा प्रश्न न्यायालयात गेला आहे. तर दुसरीकडे सध्या शिवसेनेचे असलेले पक्ष चिन्ह ‘धनुष्यबाण’ हे कुणाकडे जाणार हा वाद देखील सुरु आहे. दोन्ही गट ‘शिवसेना’ या नावावर आणि धनुष्यबाणावर हक्क सांगत आहेत. तसेच कायदेशीररित्या या दोन्ही गोष्टी मिळवण्यासाठी प्रयत्नही करत आहेत. यातच आता भाजप नेते निलेश राणे यांनी याच मुद्द्यांवर भाष्य करताना शिवसेनेला खोचक टोला लगावला आहे.
निलेश राणे माध्यमाशी बोलताना म्हणाले कि, “हा वाद सध्या न्यायालयात सुरु आहे. त्याच्यावर मी बोलणं योग्य नाही. पण धनुष्यबाण हे जे चिन्ह आहे ते आत्ता उद्धव ठाकरेंना शोभणारं नाही. ते मवाळ आहेत. बिनकामाचे आहेत, म्हणून ज्याला जे चिन्ह शोभेल, तसं त्या माणसाला मिळायला हवं. पण आता ते न्याय प्रविष्ट असल्यामुळे मी त्याच्यावर काही बोलू शकत नाही. पण ते स्वतःच म्हणतायत आता सगळे बाण निघून गेले. हे फक्त रिकाम टेकडे धनुष्य घेऊन बसलेत. त्यांना ते चिन्ह शोभणारं नाही. या चिन्हासाठी कुणीतरी रफटफ माणूस पाहिजे. जसे बाळासाहेब होते. त्यांना शोभायचं ते चिन्ह. यांना कुठलं तरी देऊन टाका लॉलीपॉप वगैरे. ते शोभेल, धनुष्यबाण शोभणारं नाही.”
तसेच पुढे बोलताना त्यांनी उद्धव ठाकरेंच्या मुलाखतीची खिल्लीही उडवली. “उद्धव ठाकरेंनी फुटलेला पेपर सोडवला आहे. संजय राऊतांनी त्यांच्या पत्रकारितेच्या कौशल्याच्या जोरावर काही प्रश्न विचारले आणि ठाकरेंनी त्यांची थेट उत्तरं दिली, असं काही नाही. प्रश्नही आधीच माहित होते आणि त्यांची सडलेली उत्तरंही माहित होती.”, अशी टीका त्यांनी केली.
महत्वाच्या बातम्या:
- Uday Samant | लीलाधर ठाकरे यांचा शिवसेना वाढवण्यात सिंहाचा वाटा आहे – उदय सामंत
- Uddhav Thackeray | उद्धव ठाकरेंचा शिंदेंना घेरण्यासाठी गेम प्लॅन! १२ खासदारांना अपात्र करण्यासाठी याचिका
- Sushma Andhare | “कपटी मित्रापेक्षा दिलदार शत्रू परवडतात”; सुषमा अंधारेंनी व्यक्त केल्या भावना
- Jayant Patil | …तर ती राजकीय आत्महत्या आहे – जयंत पाटील
- Shivsena MP | शिवसेना खासदारांची लोकसभा अध्यक्षांच्या निर्णयाविरोधात सर्वोच्च न्यायालयात धाव! शिंदेंना घेरण्याची तयारी
बातम्यांसाठी YouTube चॅनेल Subscribe करा
Subscribe Now
