“…हे पवार साहेबच करू शकतात”, ‘त्या’ प्रकरणावरून निलेश राणेंचा टोला

🕒 1 min read

मुंबई: ब्रिटिश काळात स्वातंत्र्य चळवळ दडपण्याच्या उद्देशाने भारतीय दंड संहितेत समाविष्ट करण्यात आलेल्या १२४-अ या राजद्रोहाच्या आरोपाच्या कलमाचा गैरवापर होत आहे. त्यामुळे या कलमाचा गैरवापर हा कायदादुरुस्तीद्वारे थांबवायला हवा किंवा हे कलमच रद्द करायला हवे असे राष्ट्रवादीचे अध्यक्ष शरद पवार (sharad pawar) यांनी म्हटले. यावरच भाजप नेते निलेश राणे (nilesh rane) यांनी ट्वीट करत टोला लगावला आहे.

“पवार साहेबांनी भीमा कोरेगाव कमिशनला पत्र लिहिलं आहे. ज्यामध्ये sedition देशद्रोह कायदा ब्रिटिश काळातला आहे, हा कायदा भारतीय नागरिकांच्या विरोधात ब्रिटिश वापरायचे म्हणून अशा कायद्याची गरज नाही असा उल्लेख त्यांनी केला आहे. पण त्यांच्याच MVA सरकारने राणांना हाच कायदा लावला. हे पवार साहेबच करू शकतात.”, असा टोला निलेश राणे यांनी लगावला आहे.

पवार साहेबांनी भीमा कोरेगाव कमिशनला पत्र लिहिलंय ज्यामध्ये sedition देशद्रोह कायदा ब्रिटिश काळातला आहे, हा कायदा भारतीय नागरिकांच्या विरोधात ब्रिटिश वापरायचे म्हणून अशा कायद्याची गरज नाही असा उल्लेख केला पण त्यांच्याच MVA सरकारने राणांना हाच कायदा लावला. हे पवार साहेबच करू शकतात.

— Nilesh N Rane (@meNeeleshNRane) April 29, 2022

काय म्हणाले होते शरद पवार?

कोरेगाव-भीमा येथे १ जानेवारी २०१८ रोजी घडलेल्या हिंसाचाराच्या चौकशीसाठी नेमलेल्या आयोगासमोर ११ एप्रिल रोजी दाखल केलेल्या अतिरिक्त प्रतिज्ञापत्रात शरद पवार यांनी म्हटले होते की, “कोरेगाव-भीमा येथे घडलेल्या हिंसाचाराच्या घटनाक्रमबद्दल माझ्याकडे व्यक्तिगत माहिती नाही. परंतु, या घटनेच्या अनुषंगाने भादंवि आणि फौजदारी दंड संहितेत काही  कायदादुरुस्ती होणे आवश्यक आहे, असे मला सुचवावेसे वाटते.”

दरम्यान हनुमान चालीसा प्रकरणी राणा दाम्पत्याविरोधात मुंबई पोलिसांनी राजद्रोहाचे कलम लावले आहे.  त्या पार्श्वभूमीवर शरद पवार यांच्या या मताबाबत काल चर्चा झाली.

महत्वाच्या बातम्या: 

• “मशिदींवरील भोंगे काढण्यासाठी कोणीही आले तर…”, रामदास आठवले यांचा इशारा
• शिवसेना खासदार भावना गवळी यांना ED कडून चौकशीसाठी समन्स
• “…तर कुणी मानसिक रोगी आहे”, जितेंद्र आव्हाड यांचा राज ठाकरेंना अप्रत्यक्ष टोला
• पुन्हा एकदा मास्क सक्ती?; मुख्यमंत्री ठाकरेंनी दिले स्पष्टीकरण
• “स्वतःची जबाबदारी दुसऱ्यावर ढकलण्याचा…”, संजय राऊतांचा पंतप्रधान मोदींना जोरदार टोला