🕒 1 min read
अहमदनगर : पारनेरच्या तहसीलदार ज्योती देवरे यांच्या एका ऑडिओ क्लिपमुळे राज्यात खळबळ उडाली असून पारनेरमधील लोकप्रतिनिधीच्या त्रासाला कंटाळून आत्महत्या करण्याचा इशारा त्यांनी या क्लिपमध्ये दिला आहे. यात त्यांनी कोणत्याही लोकप्रतिनिधीचे नाव घेतले नसले तरी त्यांचा रोख हा आमदार निलेश लंके यांच्यावर असल्याचे दिसून येते. यावर आता निलेश लंकेंनी आपली प्रतिक्रीया दिली आहे.
मला वैयक्तिक स्वरुपात काम करताना तहसीलदार ज्योती देवरे यांचा भ्रष्टाचार दिसून आला. ज्या-ज्या वेळी मी त्यांना सूचित करण्याचा प्रयत्न केला त्या-त्या वेळी त्यांनी मला रात्री अपरात्री मेसेज करुन सांगितले की, जर तुम्ही या गोष्टी उघड केल्या तर मी आत्महत्या करेल, असा मोठा गौप्यस्फोट निलेश लंके यांनी केला आहे.
ज्योती देवरे यांची ऑडिओ क्लिप गेल्या 2 दिवसांपासून व्हायरल होत आहे. त्यांनी केलेला हा केवीलवाणा प्रयोग आहे. त्यांच्यावर झालेल्या भ्रष्टाचाराचे आरोपही सिद्ध झाले आहेत. तसा अहवालही नाशिक विभागीय आयुक्तांनी मुंबईला पाठवला आहे. या आधीही असे बरेच प्रकार त्यांनी केले आहेत, असा आरोपही यावेळी निलेश लंके यांनी केला आहे.
दरम्यान, ज्या विभागात त्या काम करतात त्या विभागात काम करणाऱ्यांनाही त्या दोषी धरतात. त्या साधूसंतांसारखं काम करतात आणि बाकीचे सर्वजण चुकीचे काम करतात असं त्या नेहमी दाखवतात, असा गंभीर आरोपही यावेळी निलेश लंके यांनी केला आहे.
महत्त्वाच्या बातम्या
- शिवसेनेच्या हल्ल्यांना आणि धमक्यांना मी घाबरत नाही – किरीटी सोमय्या
- लसींचे दोन डोस घेतले तरी देखील खासदार अमोल कोल्हेंना कोरोनाची लागण
- ‘मी त्याच दिवशी खासदारकी सोडणार होतो पण…’; छत्रपती संभाजीराजेंचा गौप्यस्फोट
- जनआर्शिवाद यात्रा : डॉ. भागवत कराड येण्याआधीच स्थानिक नेत्यांनी भागवली सत्काराची हौस
- ‘संभाजी भोसलेंना अटक करा’; गुणरत्न सदावर्ते यांची स्फोटक मागणी
बातम्यांसाठी YouTube चॅनेल Subscribe करा
Subscribe Now
